شۋماحەردىڭ ايەلى كۇيەۋىنىڭ ۇشاعىن ساتىپ جىبەرمەك
ميحاەل شۋماحەردىڭ Falcon 2000EX دەپ اتالاتىن ۇشاعى 8 ادامدىق. ۇشاق فيۋزەلياجىندا پيلوتتىڭ اتى-ءجونىنىڭ ءبىرىنشى ارىپتەرى تاڭبالانعان. ءدال وسىنداي ماركالى جاڭا ۇشاقتار 25 ميلليون ەۋرو بولسا، كوريننا ونى 20 ميلليونعا باعالاپ وتىر.
2013 - جىلدىڭ 29- جەلتوقسانىندا شۋماحەر فرانسياداعى الپ تاۋىنىڭ بوكتەرىندە شاڭعى تەۋىپ ءجۇرىپ باسىن جاراقاتتاعان بولاتىن. سودان بەرى ول ەس-ءتۇسىن بىلمەي، ەمحانادا جاتتى. تەك ماۋسىم ايىنىڭ سوڭىنا قاراي ەسىنە كەلىپ، گرەنوبلدەگى رەابيليتاتسيالىق كلينيكادان لوزاننا قالاسىنداعى اۋرۋحاناعا اۋىستىرىلعانى جايلى اقپارات تاراعان ەدى.
دارىگەرلەر ۇستىمىزدەگى جىلدىڭ شىلدە ايىندا شۋماحەردى ۇيدە ەمدەلۋگە رۇقسات ەتۋى مۇمكىن. تانىمال سپورتشىنىڭ ءۇيى لوزاننا قالاسىنىڭ ماڭىنداعى جەنيەۆالىق كول جاعالاۋىندا ورنالاسقان.
دايىنداعان: ارداق قۇلتاي
massaget.kz