ادامدار جاپپاي كومىلگەن كور تابىلدى

استانا. قازاقپارات - Human Rights Watch ۇيىمىنىڭ مالىمدەۋىنشە، ۋكراينا اسكەرىنىڭ قاراماعىنا كوشكەن سلاۆيانسك قالاسىندا جاپپاي مايىتتەردى كومگەن ورىن تابىلدى.

مالىمەتكە قاراعاندا مايىتتەر جاپپاي كومىلگەن سەگىز كور تابىلعان.

قالانىڭ ەكى تۇرعىنى Human Rights Watch وكىلىنە كومىلگەن مايىتتەر تابىلعان جەردى شىلدەنىڭ ورتاسىندا ەكسكاۆاتور قازعانىن، كەيىن اسكەري كيىنگەن ەكى ادام جۇك كولىگىمەن كەلىپ، پوليەتيلەنگە ورالعان مايىتتەردى تاستاعانىن ايتقان. ءبىر ساعات وتكەن سوڭ جۇك كولىگى قايتا كەلىپ، قازىلعان شۇڭقىرعا تاعى 15 كە جۋىق ادامنىڭ ءمايىتىن تاستاعان.

جاپپاي كومىلگەن ادامداردىڭ قالاي قازا تاپقانى بەلگىسىز. مايىتتەردى ارشىپ الۋ كەزىندە ءىز-ءتۇزسىز جوعالىپ كەتكەن ادامداردىڭ تۋىسقاندارى كەلگەن.

سەپاراتيستەر سلاۆيانسك قالاسىن ءساۋىر مەن 5- شىلدە اراسىندا باقىلاۋدا ۇستاعان ەدى.

«ازاتتىق»