الاسا بويلى ادامدارعا جۇك كولىگى مەن ترامۆاي جۇرگىزۋگە تىيىم سالىنادى
11:47, 25 - شىلدە 2014
استانا. قازاقپارات - بويى 1,5 مەترگە جەتپەيتىن ادامدارعا ءبىرقاتار كولىكتى جۇرگىزۋگە تىيىم سالىنۋى مۇمكىن.
مۇنداي شەكتەۋ ر ف دەنساۋلىق ساقتاۋ مينيسترلىگىنىڭ قاۋلىسىندا كورسەتىلگەن، دەپ جازدى "يزۆەستيا" گازەتى.
بۇل شارا جول اپاتىنىڭ سانىن ازايتۋ ءۇشىن قولعا الىنىپ وتىر.
ەسكە سالا كەتەيىك بيىلعى ءساۋىر ايىنان باستاپ، رەسەيدە جاڭا ۇلگىدەگى جۇرگىزۋشى كۋالىكتەرى بەرىلە باستاعان. وندا كولىك جۇرگىزۋدىڭ جاڭا ساناتتارى ەنگىزىلگەن. ەندى سول ءبىرقاتار سانات بويىنشا، الاسا بويىلى ادامدار جۇك كولىكتەرىن، تىركەمەسى بار كولىك پەن ترامۆايدى جۇرگىزە الماۋى مۇمكىن.