ۇيقى بۇزىلۋىنداعى قاۋىپ-قاتەر
ەگەر دە كۇندىزگى ۋاقىتتا 10 مينۋتتىڭ ىشىندە ەشقانداي كەدەرگىسىز ۇيىقتاي الساڭىز، وندا ۇيقىڭىز بۇزىلعان.
ۇيقى ءتۇرلى سەبەپتەرمەن بۇزىلادى: جۇمىستىڭ كوپتىگى، تەلەديدار الدىندا كوپ وتىرۋ، ۋايىمنان جانە دە سول سياقتى زاتتاردان. ەندى ءبىز ۇيقى بۇزىلۋىنىڭ ناتيجەسى نەندەي جاعدايلارعا الىپ كەلەتىنىن بىلەمىز.
كومىرسۋلارعا ىنتىق بولادى
ەگەر دە ۇيقىڭىز بۇزىلعان بولسا، اعزاڭىزدىڭ دۇرىس جۇمىس جاساۋىنا جاۋاپ بەرەتىن لەپتين گورمونى السىرەپ، اسەرىنەن كالوريالى زاتتارعا، ونىڭ ىشىندە كومىرسۋلارعا ىنتىعۋ سەزىمى باستالادى. ول اعزا قۇرامىنداعى كومىرسۋدىڭ مولشەرىنە بايلانىسسىز بولادى. ياعني، وعان تاۋەلدى ەمەس. بۇل ادامدارعا كەرى اسەرىن تيگىزەرى ءسوزسىز. مۇنداي ۋاقىتتا ديەتا ۇستاماعان ءجون.
اتەروسكلەروز
ءبىزدىڭ بىلۋىمىزشە، ۇيقى بۇزىلۋى سترەسستىڭ جاعدايىنا الىپ كەلەدى. بۇل اعازداعى كورتيزول مولشەرىنىڭ ۇلعايۋىن تۋدىرادى. مۇنداي ديسبالانس ورىن السا، ارتەريادا - اتەروسكلەروز پايدا بولادى. بۇل جاعداي ءبىز ويلاعاننان دا قاۋىپتى.
سەبەبى، اتەروسكلەروز جۇرەك تالماسىن تۋدىراتىن بىردەن-ءبىر سىرقات. ودان بولەك اعزاداعى كورتيزول مولشەرىنىڭ كوبەيۋى بۇلشىقەتتەردىڭ السىرەپ، ورنىنا سەمىرۋ جانە سۇيەك كولەمىنىڭ ءوسۋى بايقالادى. ونىڭ ۇستىنە، كورتيزول تەستوستەرون مولشەرىن تومەندەتىپ، بىردەن بوي ءوسۋ پروتسەسىن تەجەيدى.
گليۋكوزا تولەرانتتىلىعىنىڭ جوعالۋى
ەگەر، اعزا دۇرىس ۇيقىنى قابىلداي الماسا، بۇل جاعداي - جۇيكە جۇيەسىنىڭ بەلسەندىلىگىنە الىپ كەلەدى. بۇل ارەكەت اسقازاناننىڭ ينسۋلين سەكىلدى دۇرىس گورموندوردى بولە الماۋىنا سەبەپشى بولادى. گليۋكوزامەن تىعىز بايلانىستا بولعاننان كەيىن، ءبىزدىڭ اعزا وعان تولىعىمەن تاۋەلدى.
ءسۇت بەزى راك اۋرۋىنىڭ تۋۋىنا سەبەپشى بولادى
كەيبىر عالىمدار ۇيقى بۇزىلۋى مەن ءسۇت بەزى راگىنىڭ اراسىندا تىعىز بايلانىس بار دەپ سەندىرەدى. تۇنگى ۋاقىتتا اعزامىزداعى ەكستروگەن مولشەرىن قىسقارتاتىن مەلوتونيننىڭ ءبولىنۋى ورىن الادى. جارىق كەدەرگى بولعاننان سوڭ بۇل پروتسەسس تەك تۇنگى ۋاقىتتا بولادى. وسىعان بايلانىستى ەستروگەن مولشەرى تىم ارتىپ كەتىپ، ءسۇت بەزى راك اۋرۋىن تۋدىرۋى ابدەن مۇمكىن.
اشۋ جانە دەپرەسسيا
ەگەر ادامنىڭ ۇيقىسى قانباسا - مي قاباتىنداعى نەيرومەدياتورلاردىڭ بۇزىلۋىنا الىپ كەلەدى. ءدال وسىلار ادامنىڭ كوڭىل كۇيىنە جاۋاپ بەرەدى. سول سەبەپتى دە، ۇيقىسى دۇرىس ەمەس ادامنىڭ كوڭىل كۇيى بولماي، وزىنە دەپرەسسيا قابىلداپ الۋى دا ىقتيمال.
ويلانا الماۋ قاسيەتىنەن ايىرىلۋ
وسى تاقىرىپتا ءتۇرلى تاجىريبەلەر جاسالىپ، 19 ساعات بويى بەلسەندى قىزمەت جاساعان ادامنىڭ قان قۇرامىندا 0,08 پايىز الكوگولدى تۇتىنعان ادامعا قاراعاندا دۇرىس ويلانا الماۋ قاۋىپى دالەلدەنگەن. بۇل پايىز ادامنىڭ تولىق ىستەن شىعىپ، ءوز-وزىنە جاۋاپ بەرە المايتىن دەڭگەيىن كورسەتەدى.
el.kz