ق ر ۇكىمەتى ەلگە ورالعان قانداستارىمىزدىڭ جالدامالى تۇرعىن ءۇي باعدارلاماسىنا قاتىسۋ مۇمكىندىكتەرىن قاراستىرۋدا
«حالىقتىڭ كوشى-قون ماسەلەلەرى تۋرالى» زاڭنىڭ كوپتەگەن اسپەكتىلەرى قايتا قاراستىرىلىپ، جەڭىلدەتىلدى. ماسەلەن، بۇنىڭ الدىندا ورالمانداردى جايعاستىرۋ ايماقتارىن ۇكىمەت شەشەتىن. وزگە ولكەگە كوشكىسى كەلگەن قانداستارىمىز وزدەرىنىڭ تولەم قابىلەتتەرىن راستاۋ كەرەك بولعان. ەندى ورالماندار قونىستاناتىن ايماقتاردى وزدەرى تاڭدايدى.
ق ر ۇكىمەتى ەڭبەك رەسۋرستارى جەتكىلىكسىز ايماقتاردى انىقتاپ، سونداي وڭىرلەردە تۇرۋعا نيەت تانىتقان قانداستارعا الەۋمەتتىك پاكەتتەر ۇسىنادى. وسىلايشا، ىنتالاندىرۋ ارقىلى قونىستاندىرۋ ماسەلەلەرىن رەتتەۋ تەتىكتەرى قاراستىرىلعان.
تاۋەلسىزدىكتىڭ باستاپقى جىلدارىنان-اق قازاقستاننىڭ نەگىزگى كوشى-قون ساياساتى سىرت مەملەكەتتەردە تۇرىپ جاتقان ەتنيكالىق قازاقتارعا ەلگە قايتادان ورالۋعا مۇمكىندىك جاساۋ بولاتىن. كەيىنگى جىلدارى وسى ءىس ودان ءارى كۇشەيە ءتۇستى. ونىڭ ىشىندە كوشى-قون ساياساتىن جەتىلدىرۋ، قانداستارىمىزدىڭ الەۋمەتتىك قورعالۋىن قامتاماسىز ەتۋ ماسەلەلەرى قولعا الىنىپ كەلەدى.
بولاشاقتا ۇكىمەت قانداستارىمىزدىڭ جولعا كەتكەن شىعىنىن وتەۋ، جالدامالى تۇرعىن ءۇي باعدارلاماسىنا قاتىسۋ مۇمكىندىكتەرىن قاراپ جاتىر. ءبىراق ول ءۇشىن كوشىپ كەلۋشىلەر جوعارىدا ايتىلعان مەملەكەتتىڭ ەڭبەك رەسۋرستارى جەتكىلىكسىز دەپ تابىلعان ايماقتاردىڭ بىرىنە قونىستانۋى شارت. سول ارقىلى جالعا العان ءۇيدى ولار بەس جىلدىڭ ىشىندە وزدەرىنىڭ مەنشىگىنە اۋدارۋعا مۇمكىندىك الماق. بۇل ماسەلە ءالى تالقىلانۋ ۇستىندە.
رەسمي دەرەكتەر بويىنشا، قازاقستانعا ورالعان رەپاتريانتتاردىڭ سانى 750-850 مىڭ كولەمىندە. ولاردىڭ الدىندا ۇلكەن ماسەلەلەر تۇر. ونىڭ ىشىندە جۇمىسپەن جانە باسپانامەن قاماتاماسىز ەتۋ، تىلدىك كەدەرگىلەر، ازاماتتىق الۋ سىندى وزەكتى تۇيتكىلدەر بار.
اۆتور: جاسۇلان جولدىبايەۆ