قازاقستاندا ا ق ش ازاماتىنا قاتىستى اكىمشىلىك ءىس قارالادى
حابارلامادا كورسەتىلگەندەي، كوكشەتاۋ قالاسىنىڭ ءى ءى ب كوشى-قون پوليتسياسىنىڭ ءبولىم ينسپەكتورى تولتىرعان اكىمشىلىك قۇقىق بۇزۋشىلىق جونىندەگى حاتتاماعا سايكەس، 1990 - جىلى تۋىلعان ا ق ش ازاماتى ماكرايت مايكل گوردوننىڭ قۇجاتتارىن تەكسەرۋ بارىسىندا انىقتالعانى - شەتەلدىك ازاماتتىڭ ق ر بولۋ ماقساتى ۆيزاسىندا «تۋريستىك ماقسات» دەپ جازىلعان. الايدا ونىڭ مۇندا تىلدەر ورتالىعىندا اقىلى تۇردە اعىلشىن ءتىلىن وقىتىپ، جۇمىس ىستەگەنى بەلگىلى بولدى.
سول سەبەپتى اتالمىش ا ق ش ازاماتىنىڭ ۇستىنەن ق ر اكىمشىلىك قۇقىق بۇزۋشىلىق كودەكسىنىڭ 394- بابىنىڭ 3- ءبولىمى بويىنشا اكىمشىلىك ءىس قوزعالعان بولاتىن.
بۇگىن وسىعان بايلانىستى كوكشەتاۋ قالاسىنىڭ مامانداندىرىلعان اكىمشىلىك سوتىندا قارالاتىن اكىمشىلىك ىستە سوت شەتەلدىك ازاماتتى كىنالى دەپ تانىسا، ول اتالعان باپتا قاراستىرىلعان جازاعا سايكەس 40 ايلىق ەسەپتىك كورسەتكىش مولشەرىندە ايىپپۇل تولەۋى نەمەسە ون تاۋلىككە دەيىن مەرزىمگە اكىمشىلىك قاماۋعا الىنۋى مۇمكىن.
اۆتور: اسلان وسپانوۆ