ر. ەردوعان: ب. وبامامەن سويلەسۋدى دوعاردىم
«وتكەن جولى مەن وباماعا تىكەلەي قوڭىراۋ شالدىم. ەندىگى ۋاقىتتا ءبىزدىڭ سىرتقى ىستەر مينيسترلەرىمىز ءوزارا سويلەسۋدە. ويتكەنى، مەن سيريا بويىنشا كۇتكەن ناتيجەلەرگە قول جەتكىزە المادىم»، - دەدى ر. ەردوعان.
«مەن ادىلدىكتى كۇتكەن ەدىم جانە ادىلدىك جاقتاستارى سانالاتىنداردان مۇندايدىڭ شىعاتىنىن ەلەستەتە دە المايمىن»، - دەپ قوستى تۇركيانىڭ ۇكىمەت باسشىسى.
ايتا كەتەيىك، ۆاشينگتون مەن انكارا اراسىنداعى ءدۇردارازدىق ا ق ش-تىڭ سيرياعا قاتىستى اسكەري وپەراتسيا جۇرگىزبەۋىنەن كەيىن تۋىنداعان ەدى. ال اسكەري وپەراتسيانىڭ ورىن الۋىنا ر. ەردوعان ءۇمىت ارتقان بولاتىن. بۇدان بولەك تۇركيا پرەمەر-ءمينيسترى مەن ۆاشينگتون اراسىندا گازا سەكتورىنداعى وقيعالارعا قاتىستى قاراما-قايشىلىقتار بار. ەسكە الار بولساق، 2 اپتانىڭ ىشىندە يزرايل اسكەرى 580 نەن استام پالەستيندىكتى ولتىرگەن-ءدى. وسىعان وراي ر. ەردوعان بۇل وقيعالاردى «مەملەكەتتىك لاڭكەستىك»، «گەنوتسيد» دەپ باعالاپ، ا ق ش-تىڭ يزرايلگە قولداۋ كورسەتۋىن سىناعان بولاتىن.
اۆتور: مارلان جيەمباي