جاپونيا پاتشاسىنىڭ ءتولقۇجاتىنا قاتىستى قۇپيا قاۋلى جارىققا شىقتى
ەلدىڭ سىرتقى ىستەر مينيسترلىگى بۇعان دەيىن قۇپيا بولىپ كەلگەن قۇجاتتى جاريا ەتتى. وندا جاپونيا يمپەراتورى مەن ونىڭ زايىبىندا شەتەلگە شىعاتىن ءتولقۇجات بولۋعا مىندەتتى ەمەس دەگەن ارنايى قاۋلى بار ەكەنى كورسەتىلگەن.
قاۋلىنى 1971 - جىلى 10 - مامىردا جاپونيا سىرتقى ساياسي ۆەدومستۆوسى قابىلداعان. «ءتيىستى قۇجاتتاردى يمپەراتور مەن يمپەراتريتساعا بەرۋدىڭ ەش رەتى جوق» ، - دەلىنگەن ونىڭ ماتىنىندە. وندا سونداي- اق، كونستيتۋتسياعا سايكەس، يمپەراتور - جاپونيانىڭ باستى سيمۆولى سوندىقتان، يمپەراتور ءۇشىن «قاراپايىم ازاماتتار وتەتىن بەلگىلەنگەن ۆيزالىق راسىمنەن ءوتۋ وتە ورىنسىز جاعداي» دەپ جازىلعان.
سول زاماندا جاپون مونارحىنا پاسپورت كەرەك، كەرەك ەمەستىگىن ۇزاق تالقىلاعان سىرتقى ساياسات مەكەمەسى «قۇپيا» تاڭباسى سوعىلعان قاۋلىنى قابىلداعان. قاۋلى 43 جىل وتكەن سوڭ اشىلىپ وتىر.
قازىرگى ۋاقىتتا دا يمپەراتور اكيحيتو مەن ونىڭ زايىبى ميتيكو حالىقارالىق ساپارلارعا شىققاندا ءتولقۇجات پايدالانبايدى. الايدا، يمپەراتور وتباسىنىڭ باسقا مۇشەلەرىنە قولدانىستاعى نورمالارعا سايكەس، ديپلوماتتىق قۇجاتتار بەرىلەدى.
جاپونيا تاريحىندا يمپەراتور وتباسى تاريحىندا العاشقى رەت شەتەلگە حيروحيتو شىققان. ول 1971 - جىلى ەۋروپانىڭ بىرنەشە ەلىن ارالادى، دەلىنگەن شەتەلدىك اقپاراتتا.