قادىر تۇنىندە مەشىتكە بارىپ، كىشى قاجىلىققا جولداما الدى
مەشىتتىڭ ىشىنە 3 مىڭ ادام سياتىن بولسا، سىرتىندا دا سونشا ادام جاينامازدارى مەن كىلەمشەلەر ۇستىنە جايعاسقان. مەشىت جاماعاتى اۋلاعا ورناتىلعان ەكران ارقىلى ىشتەگى وقىلىپ جاتقان ۋاعىزدى ۇيىپ تىڭداۋدا.
ستۋدەنتتەر مەن وقۋشىلاردىڭ جوقتىعىنا قاراماستان، حالىق سانى جىلداعىداي كوپ بولىپ وتىر، دەيدى مەشىت قىزمەتكەرلەرى.
«بۇگىن ەلىمىزدىڭ بارلىق مەشىتتەرىندە يگى شارالار اتقارىلۋدا. ق م د ب اپپارات باسشىسى عالىمبەك ماجيەۆتىڭ باستاماسىمەن قادىر تۇنىندە ادامدارعا جاقسى قىزمەت كورسەتۋ جونىندە مەشىتتەرگە تاپسىرما جۇكتەلدى. تۇشىمدى ۋاعىزدار ايتىلىپ، كوگىلدىر ەكران ارقىلى بەينەروليكتەر قويىلدى. الماتىدا بۇگىن مىڭنان استام ادامعا اۋىزاشار بەرىلدى. ءار مەشىتكە 2-3 يمامنان ءبولىنىپ، حالىق اراسىندا ءارتۇرلى ۆيكتورينالىق سۇراقتار قويىلىپ، تانىمدىق باعدارلامالار جۇرگىزىلۋدە. بۇگىن تاۋگۇل مەشىتىندە ۆيكتورينالىق سۇراقتارعا دۇرىس جاۋاپ بەرگەن ادامعا ۋمرا قاجىلىعىنا جولداما سىيعا بەرىلدى» ، - دەدى ق م د ب باسپا ءسوز حاتشىسى اعابەك قونارباي ۇلى.
اللانىڭ ۇيىنە كەلە الماعان ادامدار ۇمىت قالمادى. «اسىل ارنا» تەلەارناسى الماتىداعى ورتالىق مەشىتتەن تىكەلەي ترانسلياتسيا جاساۋدا.
جاپپاي قۇلشىلىق ەتۋ ورىندارىندا قاۋىپسىزدىك شارالارى دا ساقتالعان. مەشىت اينالاسىندا ارنايى بولىنگەن قۇقىق قورعاۋ ورگاندارىنىڭ قىزمەتكەرلەرى، ءورت سوندىرۋشىلەر، جول پوليتسياسى وكىلدەرى كەزەكشىلىك ەتۋدە.