قازاقستان يزرايل مەن پالەستينانى قانتوگىستى توقتاتۋعا شاقىرادى - س ءى م مالىمدەمەسى
09:57, 25 - شىلدە 2014
استانا. قازاقپارات - گازا سەكتورىنداعى تۇرعىندار اراسىندا ادام شىعىنىنا اكەلگەن جاعدايدىڭ ۋشىعۋىنا بايلانىستى قازاقستان الاڭداۋشىلىعىن بىلدىرۋدە. بۇل تۋرالى ق ر س ءى م مالىمدەمەسىندە ايتىلعان.
زورلىقتىڭ ارى قاراي كۇشەيۋى شيەلەنىسكە قاتىسۋشى قوس تاراپ پەن الەمدىك قاۋىمداستىقتىڭ ايماقتاعى تۇراقتىلىق پەن بەيبىتشىلىك ورناتۋعا ۇمتىلعان تالپىنىستارىن ءۇزىپ، تاياۋ شىعىستاعى تۇراقسىزدىققا الىپ كەلەدى.
"يزرايل مەن پالەستينانى بەيبىت كەلىسىم جۇرگىزىپ، قانتوگىستى توقتاتۋعا باعىتتالعان شارالاردى قولعا الۋىنا شاقىرامىز.
قازاقستان الەمدىك قاۋىمداستىقتىڭ باستامالارى مەن كەلىسىلگەن قادامدارىنا قولداۋ بىلدىرەدى. ونىڭ ىشىندە ب ۇ ۇ شەڭبەرىندە كوپ جىلدىق شيەلەنىستى رەتتەپ، قوس جاقتى دا قاناعاتتاندىراتىن تالاپتار قاراستىرىلعان ۇسىنىستار دا بار"، دەلىنگەن ق ر س ءى م مالىمدەمەسىندە.