يمانعالي تاسماعامبەتوۆ يۋنەسكو-نىڭ «جىبەك جولى» مەدالىمەن ماراپاتتالدى
«يۋنەسكو قازاقستاننىڭ حالىقارالىق باستامالارىنا ۇنەمى ەرەكشە نازار اۋدارۋدا. سونىمەن قاتار، وسىنداي حالىقارالىق فورۋمدى وتكىزۋ ءبىز ءۇشىن ۇلكەن مارتەبە»، - دەپ اتاپ ءوتتى قالا اكىمى يمانعالي تاسماعامبەتوۆ ماراپاتتاۋ راسىمىندە. توقتالا كەتەتىن جايت، استانا اكىمى ۇزاق جىلدار بويى يۋنەسكو قۇرىلىمىمەن تىكەلەي جۇمىس ىستەپ، قازاقستاننىڭ ۇلتتىق كوميسسياسىن باسقارعان بولاتىن.
«مەن ءۇشىن بۇل جىلدار كاسىبي تۇرعىدا، سونىمەن بىرگە الەمنىڭ ءتۇرلى ەلدەرىندەگى ارىپتەستەرىممەن جەكە قاتىناستا دا ۇمىتىلماس ساتتەرىمەن ەرەكشە. سوندىقتان بۇگىن وسىنداي بەدەلدى حالىقارالىق ۇيىمنىڭ ماراپاتىنا يە بولۋ مەن ءۇشىن ۇلكەن مارتەبە. بۇل مەنىڭ عانا ەڭبەگىم ەمەس، يۋنەسكو ميسسياسىن ورىنداۋدا ءبىلىمى مەن جانىن بەرگەن بارلىق ارىپتەستەرىمە بەرىلگەن جوعارى باعا»، - دەپ اتاپ ءوتتى ۇلتتىق كوميسسيانىڭ ەكس- ءتوراعاسى.
ەسكە سالا كەتەيىك، استانادا العاش رەت وتكىزىلىپ وتىرعان اتالعان ءىس-شارا جۇمىسىنا يۋنەسكو-نىڭ بارلىق بەس وڭىرلىك توپتارىنان (اراب مەملەكەتتەرى، ازيا جانە تىنىق مۇحيتى، ەۋروپا جانە سولتۇستىك امەريكا، لاتىن امەريكاسى جانە كاريب باسسەينى) وكىلدىك ەتەتىن 125 ەلدىڭ ۇلتتىق كوميسسيالارىنىڭ وكىلدەرى قاتىسۋدا. سونىمەن قاتار، كەڭەس ىنتىماقتاستىقتى نىعايتۋ جانە ۇلتتىق كوميسسيالاردىڭ تاڭداۋلى تاجىريبەسىن ىلگەرىلەتۋ جونىندەگى جالپى كەڭەستەر وتكىزۋ ءۇشىن يۋنەسكو شتاب-پاتەرىنەن تىس الەمنىڭ بارلىق ءوڭىرىنىڭ ۇلتتىق كوميسسيالارىن بىرىكتىرەدى.
اۆتور: جانكەلدى كارجان