قىتايدا ساقتاۋ مەرزىمى وتكەن ازىق-تۇلىكپەن قامتاماسىز ەتەتىن اسحانالار جەلىسى جابىلدى
وعان ينتەرنەتتە تاراپ كەتكەن اقپارات سەبەپ بولعان.
اقپاراتقا سايكەس، كومپانيا وندىرىسىندە ساقتاۋ مەرزىمى وتكەن شيكىزاتتىق ماتەريالداردى پايدالانعان.
«Husi» كومپانياسىنىڭ سەحىنە جاسىرىن ەنگەن رەپورتەرلەر ونداعى قىزمەتكەرلەر تاۋىق ەتىنىڭ ساقتاۋ مەرزىمىن وزدەرى قالاي اۋىستىرىپ، يىستەنىپ كەتكەن سيىر ەتىن وندىرىستە قالاي پايدالاناتىندارىن اڭگىمەلەيدى. وسىلايشا، رەپورتەرلەر كومپانيانىڭ ىرگەسىندەگى كوپتەگەن زاڭ بۇزۋشىلىقتاردى ءوز كوزدەرىمەن كورىپ قايتقان.
قوعامدىق قاۋىپسىزدىك قىزمەتكەرلەرىمەن بىرلەسە تەكسەرۋ جۇرگىزگەن باقىلاۋشى ورگاندار زاڭ بۇزعان كومپانيانىڭ قىزمەتىن ۋاقىتشا توقتاتۋ تۋرالى شەشىم قابىلداپ، ودان ءونىم الاتىن كاسىپورىندارعا «داۋلى ازىق-تۇلىكتەردى» ساتىلىمنان الىپ تاستاۋدى تالاپ ەتتى.
«Husi Food Co., Ltd» كومپانياسى - امەريكالىق «OSI Group» كورپوراتسياسىنىڭ مۇشەسى. ول 1996 - جىلى قۇرىلعان. كومپانيادان حابارلاعانداي، مۇندا كوبىنە تاۋىق، سيىر مەن شوشقا ەتىنەن جاسالعان ونىمدەر ءوندىرىلىپ، «ماكدونالدس» پەن «Tricon Global» جەلىسىنىڭ رەستوراندارى - KFC, Pizza Hut جانە باسقالارىنا جەتكىزىلەدى.
bnews.kz