ماگاتە: يران تالاپتاردى ورىنداپ جاتىر
12:39, 21 - شىلدە 2014
استانا. قازاقپارات - حالىقارالىق اتوم ەنەرگياسى اگەنتتىگىنىڭ (ماگاتە) مالىمەتى بويىنشا، يران بىلتىر الەمدىك دەرجاۆالارمەن جاساسقان كەلىسىمگە ساي، وزىندەگى بايىتىلعان ۋران گازىنىڭ ەڭ ماڭىزدى بولىگىن جويعان.
ماگاتە ەسەبىندە تەگەران كەلىسىم اياسىندا كورسەتىلگەن مىندەتتەمەلەرىن ورىنداعانى ايتىلادى. ءاۋ باستا بيىل شىلدەنىڭ 20 سى كۇنى اياقتالادى دەپ كورسەتىلگەن كەلىسىم مەرزىمى كەيىن قاراشا ايىنا دەيىن ۇزارتىلعان. كەلىسىم بويىنشا، يران ۋران گازىن بايىتۋدى 20 پايىزعا دەيىن ازايتىپ، وزىندە جينالعان بايىتىلعان ۋران گازى قورىنان قۇتىلۋى ءتيىس بولاتىن. بۇل ماقسات ورىندالدى دەپ مالىمدەدى ماگاتە ساراپشىلارى.
وتكەن اپتادا ۆەناداعى كەلىسسوزدەردەن ا ق ش، گەرمانيا، قىتاي، رەسەي، ۇلى بريتانيا جانە فرانسيا وكىلدەرى تەگەراننىڭ يادرولىق باعدارلاماسىنا قاتىستى تۇپكىلىكتى كەلىسىم جاساۋعا قاجەتتى شارتتارعا يران دەلەگاتسياسىن كوندىرە الماي قايتقان ەدى.
«ازاتتىق»