جيىرما جىل بويى جاسىرىنىپ جۇرگەن كىسى ولتىرگەن قىلمىسكەر قۇرىقتالدى
ب ق و ىشكى ىستەر دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، باتىسقازاقستاندىق تىڭشى قىزمەتكەرلەرىنە كوپتەن بەرى ىزدەۋدە جۇرگەن، ياعني 1994 - جىلى ورال قالاسىندا قاراقشىلىق شابۋىل جاساپ، كىسى ولتىرگەن، سوت ۇكىمىنەن جاسىرىنىپ، بوگدەنىڭ اتىن جامىلىپ، رەسەي اۋماعىندا تىعىلىپ جۇرگەن 1975 - جىلعى «ب» ەسىمدى ازاماتپەن بايلانىسقا شىعاتىن تۇلعا ورال قالاسىنا كەلىپ، ونىمەن حابارلاسۋى مۇمكىن دەگەن اقپارات تۇسكەن.
بارلىق پويىز، سامارا، ساراتوۆ جانە ورىنبور باعىتىنداعى اۆتوكولىك حابارلامالارى قاتاڭ باقىلاۋعا الىنىپ، وبلىس ورتالىعى ارنايى ءبولىنىس كۇشتەرىمەن اسا بەكەم قورشاۋعا الىندى. كوپ ۇزاماي بايلانىسشى ىزدەۋدە جۇرگەن قىلمىسكەرمەن بايلانىسقا شىققان كەزدە ونىڭ مەكەن-جايى انىقتالىپ، ب ق و ءى ءى د-ءنىڭ قولعا ءتۇسىرۋ توبى سانكت-پەتەربۋرگ قالاسىنا ۇشىپ كەتەدى. سول كۇنى سوڭعى ۋاقىتتا باسقانىڭ اتىن جامىلىپ، قۇجاتىن قولدانىپ جۇرگەن قىلمىسكەر رەسەيلىك ارىپتەستەردىڭ كومەگىمەن رەسەيدىڭ سولتۇستىك استاناسىندا قولعا ءتۇسىپ، تەرگەۋ وقشاۋلاعىىشىنا ورنالاستىرىلدى.
ەسكە سالا كەتەيىك، ۇستالعان ازامات 1994 - جىلى 30 قازان كۇنى ورال قالاسىنداعى ناريمانوۆ كوشەسىنىڭ بويىندا 1975 - جىلعى «د» ەسىمدى ازاماتشاعا قاراقشىلىق شابۋىل جاساپ، ونىڭ بارلىق التىن بۇيىمدارىن جىمقىرىپ، ونىسىمەن قويماي، بىرنەشە پىشاق جاراقاتىن سالىپ، تۇنشىقتىرىپ ولتىرگەن.
قازىرگى تاڭدا ب ق و ءى ءى د پروكۋراتۋرامەن بىرلەسە وتىرىپ، ونى قازاقستانعا ەكستراديتسيالاۋ ءۇشىن رەسەيگە قاجەتتى قۇجاتتار مەن ماتەريالداردى جىبەردى.
اتالعان «ىزدەستىرۋ» شاراسى بارىسىندا سوت ۇكىمىنەن جالتارىپ جۇرگەن 11 قىلمىسكەر ۇستالدى.
اۆتور: ەلجان ەرالى