قازاقستانعا فرانسيا پرەزيدەنتىنىڭ ساپارى كۇتىلۋدە
16:56, 22 - شىلدە 2014
استانا. قازاقپارات - قازاقستان رەسپۋبليكاسىنىڭ مەملەكەتتىك حاتشىسى ادىلبەك جاقسىبەكوۆ قازاقستانداعى فرانسۋز رەسپۋبليكاسىنىڭ توتەنشە جانە وكىلەتتى ەلشىسى فرانسيس ەتەنمەن ونىڭ ءوتىنىشى بويىنشا كەزدەستى، دەپ حابارلادى اقوردانىڭ باسپا ءسوز قىزمەتى.
«كەزدەسۋ بارىسىندا قازاقستان مەن فرانسيا اراسىنداعى اسكەري-تەحنيكالىق ىنتىماقتاستىق، سونداي-اق 2014 - جىلدىڭ ەكىنشى جارتىسىندا ءبىزدىڭ ەلىمىزگە فرانسيا پرەزيدەنتى فرانسۋا وللاندتىڭ رەسمي ساپارىنا ازىرلىك ماسەلەلەرى تالقىلاندى»، دەلىنگەن باسپا ءسوز بايانىندا.
كەزدەسۋگە فرانتسيا ەلشىلىگىنەن اسكەري اتتاشە كريستيان بارتلەن، سونداي-اق «Airbus grup Kazakhstan» باس ديرەكتورى سيلۆەر دەلونە قاتىستى.