قۇلاعان ۇشاقتاعى جولاۋشىلاردىڭ مۇردەلەرى اپات ورنىندا ءالى شاشىلىپ جاتىر

استانا. قازاقپارات - اپاتقا ۇشىراعان «بوينگ-777» ۇشاعىنىڭ قازا تاپقان جولاۋشىلارىنىڭ مۇردەلەرى ءۇشىنشى تاۋلىك بويى وقيعا ورنىندا شاشىلىپ جاتىر.

 بۇل جايىندا اپات ورىن العان جەردەن BBC- ءدىڭ ءتىلشىسى ۆيكتور نەحەزين حابارلادى.

«ادامداردىڭ مۇردەلەرى دالادا شاشىلىپ جاتىر ءارى ۇستىلەرى جابىلماعان. ادامنىڭ دەنە مۇشەلەرى گرابوۆودان 8 شاقىرىم جەردەگى كورشىلەس راسسىپنايا ەلدى مەكەنىنە دە قۇلاعان. راسسىپنايا اۋىلى تۇرعىندارىنىڭ ايتۋىنشا، مۇردەلەر باقشالارىنا، ۇيلەرىنىڭ ۇستىنە تۇسكەن»، - دەلىنگەن اقپاراتتا.

ايتا كەتەرلىگى، توتەنشە جاعدايلار قىزمەتى تاراتقان سوڭعى اقپاراتقا قاراعاندا، ۇشاق اپاتقا ۇشىراعان جەردەن 190 نان استام جولاۋشىنىڭ مۇردەسى تابىلدى. ال ۇشاق بورتىندا 298 جولاۋشى بولعان ەدى.

اۆتور: مارلان جيەمباي