سىردىڭ سول جاعالاۋىنان سالىناتىن قالا شىعىستىق ساۋلەتپەن ەرەكشەلەنەتىن بولادى - قىزىلوردا وبلىسى
بۇل تۋرالى وبلىستىق ساۋلەت جانە قالا قۇرىلىسى باسقارماسىنىڭ باسشىسى سەيىلحان تويبازاروۆ جۋرناليستەرمەن كەزدەسۋ كەزىندە ءمالىم ەتتى.
ايماقتىڭ ايتۋلى جاڭالىعىنا اينالعان سىرداريا وزەنىنىڭ سول جاعالاۋىن يگەرۋ جۇمىستارى بۇگىننەن- اق باستالىپ كەتتى. بۇل اۋماقتا يگەرىلەتىن جەر كولەمى 1532 گەكتاردى قۇرايدى. قازىردە 107 ميلليون تەڭگە قارجىعا سول جەردى تۇبەگەيلى جوسپارلاۋ جۇمىستارى جۇرگىزىلىپ جاتىر. داريا ۇستىنەن ءتۇسۋى ءتيىس ءۇش كوپىردىڭ ءبىرى، ياعني مۇراتبايەۆ كوشەسىندەگى كوپىر قۇرىلىسى باستالىپ تا كەتتى. ونىڭ جالپى سمەتالىق قۇنى - 5,9 ميلليارد تەڭگە. كوپىر قۇرىلىسى ەكى جىلعا جوسپارلانعان.
ۇلتتىق ناقىشتار ەسكەرىلىپ، شىعىستىق شىرايدا سالىناتىن سول جاعالاۋ قۇرىلىسى الداعى جىلى باستالادى. باسقارما باسشىسى س. تويبازاروۆتىڭ ايتۋىنشا، ول ايماقتان جەكە سەكتورعا جەر تەلىمى ساتىلمايدى. نەگىزىنەن عيماراتتاردىڭ دەنى كوپ قاباتتى ۇيلەردەن تۇرادى. كەزەڭ- كەزەڭىمەن ىسكە اساتىن الىپ جوبا جۇزەگە اسقاندا ەسىلدىڭ ەكى بەتىنە ورنالاسقان اسەم استانا سەكىلدى سىردىڭ باس شاھارى قىزىلوردا قالاسى دا جاڭاشا كەيىپكە ەنەتىن بولادى دەيدى ماماندار.
اۆتور: ەلۋباي اۋەزوۆ