اپاتقا ۇشىراعان جولاۋشىلاردىڭ ءتىزىمى جاريالاندى
ۋكراينانىڭ شىعىسىندا قۇلاعان لاينەردىڭ بورتىندا 143 نيدەرلاندى ازاماتى، 27 اۆستراليالىق، 22 مالايزيالىق، 12 يندونەزيالىق، التى بريتاندىق، ءتورت-تورتتەن گ ف ر مەن فرانسيا ازاماتتارى، ءۇش بەلگيالىق جانە كانادالىق بولعان. بۇل مالىمەتتەردى قولدارىنا جولاۋشىلاردىڭ الدىن الا ءتىزىمى تۇسكەن Star گازەتى كەلتىرگەن.
Malaysia Airlines ۇشاعىنىڭ تاعى 58 جولاۋشىنىڭ ۇلتى كىم ەكەنى ايتىلماعان. كەيبىر مىالىمەتتەر بويىنشا، ولاردىڭ اراسىندا 23 امەريكاندىق بولعان. بۇدان باسقا، بورتتا ەكيپاجدىڭ 15 مۇشەسى بولعان. ولاردىڭ ازاماتتىعى دا بەلگىسىز.
Malaysia Airlines اۆياكومپانياسى لاينەرىنىڭ دونەتسك وبلىسىنىڭ اۋماعىندا قۇلاۋى تۋرالى اقپارات ماسكەۋ ۋاقىتىمەن 19:00 دە كەلىپ ءتۇستى. قولداعى مالىمەتتەرگە قاراعاندا اپات سالدارىنان بورتتاعى بارلىق 295 ادام (280 جولاۋشى جانە ەكيپاجدىڭ 15 مۇشەسى) تۇگەل قازاعا ۇشىراعان.
ۋكراين ارمياسى مەن دونباسس حالىقتىق رەسپۋبليكالارىنىڭ جاساقتارى لاينەردىڭ قۇلاۋىنا قاتىسىن جوققا شىعاردى.