فيزيكا وليمپياداسىنىڭ قاتىسۋشىسى: استانا - جاس ءارى قارقىندى دامىپ كەلە جاتقان قالا
ول بارلىق قوناقتارعا جاقسى اسەر قالدىرۋدا.
قازاقپاراتقا سۇحبات بەرۋ بارىسىندا استانادا ءوتىپ جاتقان فيزيكا پانىنەن حالىقارالىق وليمپياداعا بەلارۋس رەسپۋبليكاسىنان كەلگەن دەلەگاتسيانىڭ جەتەكشىسى لەونيد ماركوۆيچ وسىنداي پىكىرىمەن ءبولىستى.
«الدىمەن وسى سايىستى وتكىزۋدەن باس تارتقاندا، ءوز جەرىندە ۇيىمداستىرۋعا كەلىسكەن ۇيىمداستىرۋشىلارعا العىس ايتقام كەلەدى. مۇنداي دەڭگەيدەگى شارانى قىسقا مەرزىمدە ۇيىمداستىرۋ وتە قيىن. مۇندا كەلگەندە بارلىق ءىستى تىندىرىپ ۇلگەرگەندەرىڭىزگە كوز جەتكىزدىك»، - دەدى ل. ماركوۆيچ.
ول استانا دەلەگاتسيانىڭ بارلىق مۇشەسىنە ۇناعانىن ايتتى.
«استاناعا ءبىرىنشى رەت كەلدىك. بارلىعى كوڭىلىمىزدەن شىقتى. بالالار زاماناۋي قوندىرعىلارمەن جابدىقتالعان نازاربايەۆ ۋنيۆەرسيتەتىندە جايعاستى، سوندا دايىندىقتارىن جۇرگىزىپ جاتىر»، - دەدى ول.
ل. ماركوۆيچ قازاق ەلى الدا دا تالاي جەتىستىككە قول جەتكىزەدى دەگەن پىكىرىن ءبىلدىردى. «سىزدەردىڭ قالالارىڭىز 17 جاستا عانا، ءبىراق وتە كوركەم. سىزدەردىڭ جانە پرەزيدەنتتەرىڭىزدىڭ جاساعانى عاجايىپ قۇبىلىس. كوشەلەرى كەڭ، ادامدارى جاقسى، وليمپياداعا قاتىسۋعا كەلگەنىمىزدى بەيدجيكتەن بايقاپ، كۇلىمدەگەن جۇزىمەن قارايدى. استانا قاتىسۋشىلارعا جاقسى اسەر سىيلاپ جاتقانىنا سەنىمدىمىن. جاس ءارى وزىق قالا. بولاشاقتا دا قازاقستان تالاي بيىكتەردى باعىندىرادى دەپ ويلايمىن»، - دەپ ءتۇيدى بەلارۋس ەلىنەن كەلگەن قوناق.
نازاربايەۆ ۋنيۆەرسيتەتىندە ءوتىپ جاتقان IPho-دا 85 ەلدىڭ وقۋشىلارى قاتىسۋدا. جابىلۋ جانە جەڭىمپازداردى ماراپاتتاۋ سالتاناتى بەيبىتشىلىك جانە كەلىسىم سارايىندا 20 - شىلدەدە وتەدى.