كومپيۋتەر الدىندا كوپ وتىراتىندار قاراپايىم ءومىردى اڭسايدى

استانا. قازاقپارات - ادامداردىڭ تورتتەن ءبىر بولىگى دۇنيە تىم قاتتى وزگەرىپ كەتتى دەپ سانايدى. مۇنداي قورىتىندى الەمنىڭ 20 ەلىندە جۇرگىزىلىپ، 60 مىڭ ادامدى قامتىعان جاھاندىق ساۋالناما ناتيجەسىندە جاسالىپ وتىر. بۇل تۋرالى BBC حابارلادى.

«Ipsos MORI» كومپانياسى جۇرگىزگەن الەمدىك جوبا ادامداردىڭ جوعارى تەحنولوگيالارعا كوز قاراسى مەن جاھاندانۋ ۇدەرىسىنە پىكىرىن انىقتاۋ ماقساتىندا جاسالعان.

 ساۋالنامادا رەسپوندەنتتەردىڭ 6.10 سى كومپيۋتەر، ءتۇرلى ەلەكتروندى قۇرىلعىلاردىڭ الدىندا تىم كوپ وتىراتىنىن ايتىپ، قاراپايىم ءومىردى اڭسايتىنىن جەتكىزگەن.

ەڭ قىزىعى، زەرتتەۋ ناتيجەسى بويىنشا، ادامدار قازىرگى جوعارى تەحنولوگيالاردىڭ ادام ومىرىنە ىقپال ەتۋىنە نارازى ەكەن. دەگەنمەن، كوپشىلىك ساۋالنامادا ەلەكتروندى قۇرىلعىلار جۇمىستى ايتارلىقتاي جەڭىلدەتكەنىن مويىنداعان.

اۆتور: رۋسلان عابباسوۆ