ەلوردادا ادىلەت ءۇيىنىڭ جاڭا عيماراتى پايدالانۋعا بەرىلدى - فوتو
عيماراتتىڭ اشىلۋ راسىمىنە ارنايى قاتىسقان ەلوردا باسشىسى نىساندى ارالاپ، ونىڭ اقپاراتتىق- كوممۋنيكاسيالىق جانە ينفراقۇرىلىمدىق تەحنولوگيالارىمەن جەتە تانىستى.
50 وتىرىس زالى مەن استانا قالاسىنىڭ سوتى، ەلوردالىق مامانداندىرىلعان اۋدان ارالىق ەكونوميكالىق سوتى، ەسىل اۋدانىنىڭ سوتى جانە ەسىل اۋدانىنىڭ №2 سوتى ورنالاسقان عيماراتتا سوت وتىرىستارىن جەدەل وتكىزۋگە مۇمكىندىك بەرەتىن بارلىق جاعداي جاسالعان. عيماراتتا سوت پروتسەستەرىن اۋديو- بەينە تىركەۋ قوندىرعىلارى مەن بەينەباقىلاۋ جۇيەلەرى، بەينە كونفەرەنتسيالار وتكىزەتىن ارنايى اپپاراتۋرا ورناتىلعان.
مەملەكەتتىك باجدار مەن اكىمشىلىك ايىپپۇلدار تولەۋ تەرمينالدارى دا ورناتىلىپ، ازاماتتارعا بارىنشا قولايلى جاعداي جاسالعان. سونىمەن بىرگە س م س (كەلتە حات) تاراتۋ جانە ەلەكتروندى پوشتا ارقىلى سوت ۇدەرىستەرىنە قاتىسۋشىلاردىڭ بارلىعىن اۆتوماتتى تۇردە حاباردار ەتۋدىڭ جۇيەسى قاراستىرىلعان. عيماراتتا پروكۋرورلار، ادۆوكاتتار مەن مەدياتورلار كابينەتتەرى، 8 كۇتۋ بولمەسى، مۇراجاي جۇمىس ىستەيدى.
ايتا كەتەرلىگى، بۇگىن ءدال وسى عيماراتتا ق ر جوعارعى سوتىنىڭ ءتوراعاسى ق. ءمامي، جوعارعى سوت كەڭەسىنىڭ ءتوراعاسى ب. بەكنازاروۆ، مەملەكەتتىك باسقارۋ اكادەمياسى سوت تورەلىگى ينستيتۋتىنىڭ ديرەكتورى م. بەيبىتوۆ، سۋديالار وداعىنىڭ ءتوراعاسى س. بايباتىروۆ، جوعارعى سوتتىڭ قاداعالاۋشى سوت القالارىنىڭ ءتوراعالارى، جوعارعى سوتتىڭ سۋديالارى مەن قىزمەتكەرلەرى, رەسپۋبليكاداعى وبلىستىق جانە وعان تەڭەستىرىلگەن سوتتاردىڭ ءتوراعالارى مەن سۋديالارى قاتىسۋىمەن رەسپۋبليكامىزداعى سوتتاردىڭ 2014 - جىلدىڭ ءبىرىنشى جارتىجىلدىعىنداعى جۇمىسىنىڭ قورىتىندىسى قارالعان بولاتىن.