قىتاي داۋلى اۋماقتان مۇناي مەن گاز كەنىن تاپتى

استانا. قازاقپارات - قىتايلىق مۇنايشىلار مۇناي ءوندىرۋشى پلاتفورمانىڭ كومەگىمەن پاراسەل ارالدارىنىڭ داۋلى اۋماعى ماڭىنان مۇناي مەن گاز كەنى بار ەكەنىن انىقتادى. بۇل تۋرالى شينحۋا اگەنتتىگىنىڭ مالىمەتىنە سۇيەنگەن ر ي ا نوۆوستي حابارلادى.

«قىتايداعى باستى مۇناي ءوندىرۋشى قىتاي ۇلتتىق مۇنايگاز كورپوراتسياسى (CNPC) جينالعان مالىمەتتەردى باعالاپ، ودان ارعى قادامدارىن انىقتايدى»، - دەلىنگەن كومپانيا حابارلاماسىندا.

ال ۆەتنام ۇكىمەتى باعاسى ميلليارد دوللار بولاتىن قىتايدىڭ تەرەڭ سۋدان مۇناي ءوندىرۋشى پلاتفورماسىنىڭ ۇزىندىعى 320 شاقىرىمدى قۇرايتىن ۆەتنامنىڭ ەكونوميكالىق ماڭىزدى جاعالىق زوناسىندا تۇرعانىن مالىمدەدى. ال ءوز كەزەگىندە بەيجىڭ پلاتفورمانىڭ ءوز اۋماعىندا تۇرعانىن ايتادى.

بۇگىنگى تاڭدا وڭتۇستىك قىتاي تەڭىزىندە ورنالاسقان سپراتلي جانە پاراسەل ارالدارىنىڭ ارحيپەلاگىنا بەس ەل - قىتاي، ۆەتنام، مالايزيا، فيليپپين جانە برۋنەي تالاسىپ وتىر. بۇعان دەيىن قىتاي تاراپى كەز كەلگەن ەلدىڭ نە كومپانيانىڭ بۇل ايماقتا رۇقساتسىز ەكونوميكالىق قىزمەت جاساۋى زاڭسىز دەپ بىرنەشە رەت ەسكەرتكەن بولاتىن.

tengrinews.kz