رەسمي اقپاراتقا سايكەس، سۋيتسيدكە بارعان ادام 21 جاستا بولدى.
تەرگەۋدىڭ الدىن الا مالىمەتىنە قاراعاندا، جاس جىگىت قالاداعى بۋكمەكەرلىك كەڭسەلەردىڭ بىرىندە ءباس تىككەن. بار جيعان-تەرگەنىن ول ارگەنتينا قۇراماسىنىڭ جەڭىسىنە قويدى.
ال ول جەڭىلگەننەن كەيىن جىگىت ۇيىنە كەلىپ، اسىلىپ قالعان.
قازىرگى كەزدە قۇقىق قورعاۋشىلار سۋيتسيدتىڭ جاي-جاپسارىن انىقتاپ جاتىر. باسكە تىگىلگەن اقشانىڭ ناقتى سوماسى دا انىقتالۋدا.
ايتا كەتەيىك، شىلدەنىڭ 14 - كۇنى برازيليادا وتكەن فۋتبولدان الەم چەمپيوناتىنىڭ فينالىندا گەرمانيا قۇراماسى ارگەنتينا كومانداسىن جەڭىپ، الەمنىڭ ءتورت دۇركىن چەمپيونى اتاندى. ويىننىڭ نەگىزگى ۋاقىتىندا جەڭىمپاز انىقتالعان جوق. ەسەپ 0:0 بولدى. ال قوسىمشا ۋاقىتتا نەمىستەر ءبىر گول سالىپ، جەڭىمپاز اتاندى. ارگەنتينا قۇراماسى جەڭىلگەننەن كەيىن بۇل ەلدىڭ استاناسىندا تارتىپسىزدىكتەر بولدى.