كونتراباندالىق تاۋار الىپ وتكەنى ءۇشىن قىتاي ازاماتىنا ايىپپۇل سالىندى
19:41, 14 - شىلدە 2014
تالدىقورعان. قازاقپارات - الماتى وبلىسى ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتى ق ح ر ازاماتىنا قاتىستى قىلمىستىق ءىستى تەرگەۋدى اياقتادى، دەپ حابارلادى ۆەدومستۆو باسپا ءسوز قىزمەتىنەن.
باسپا ءسوز مالىمەتىنىڭ دەرەكتەرى بويىنشا، ق ح ر ازاماتى قىتايدان قازاقستانعا تۋريستەر تاسىمالداۋ كومپانياسىندا جالدامالى جۇرگىزۋشى بولا ءجۇرىپ، كونتراباندالىق جولمەن زاڭسىز پايدا تابۋ ماقساتىندا ەلگە حالىق تۇتىناتىن تاۋارلاردى الىپ وتپەكشى بولعان.
وسى ارەكەتىمەن ول مەملەكەتكە 4 ميلليون تەڭگەدەن استام زالال كەلتىرگەن.
الماتى وبلىسى ۇيعىر اۋداندىق سوتىنىڭ ۇكىمىمەن قىتاي ازاماتى ەكونوميكالىق كونتراباندا جۇزەگە اسىرعانى ءۇشىن ايىپتى دەپ تانىلدى، وعان 926000 تەڭگە كولەمىندە ايىپپۇل تولەۋ جازاسى كەسىلدى.