قىتاي ەلىندە ورىن العان وقيعا. ادامدى ولىمنەن اراشالاعان پەرىشتە - كەسكىن
09:42, 15 - شىلدە 2014
استانا. قازاقپارات - Youtube.com سايتىندا پەرىشتە ادامدى ولىمنەن امان الىپ قالعان بەينەجازبا پايدا بولدى.
وقيعا قىتاي ەلىندە ورىن العان كورىنەدى.
تاياۋدا قىتاي ەلىندە ادام سەنگىسىز وقيعا ورىن الدى. تۇنگى ۋاقىتتا كۇرە جولدىڭ قيىلىسىنان موتوسيكلمەن ءوتىپ بارا جاتقان ەر ادام ۇلكەن جۇك كولىگىنىڭ استىنا تۇسە جازداعان. بەينەكامەراداعى جازبادان بايقالعانى، موتوسيكلشىنىڭ جۇك كولىگىمەن سوقتىعىسۋدان قاشىپ قۇتىلاتىنداي مۇمكىندىگى بولماعان.
الايدا سول ساتتە، سول جەردە پايدا بولعان پەرىشتە موتوسيكلشىنى كولىگىمەن بىرگە جۇك كولىگىنىڭ سوققىسىنان امان الىپ قالىپ، قاس-قاعىم ساتتە موتوسيكلشىنى جولدىڭ باسقا تۇسىنا، قاۋىپسىز جەرگە اپارىپ قويادى.
بەينەجازبادا جۇك كولىگى مەن موتوسيكل سوقتىعىسار ساتتە پايدا بولعان پەرىشتەنىڭ ەلەسى بايقالادى. ول ەلەس موتوسيكلشىنى ولىمنەن اراشالاپ قالعان سوڭ، ادامنىڭ امان ەكەنىنە كوز جەتكىزىپ جونىنە كەتە بارعان.
«الاش ايناسى»