وباما اۋىزاشار بەردى

استانا. قازاقپارات - ا ق ش پرەزيدەنتى باراك وباما اقۇيدە اۋىزاشار بەردى. اۋىزاشار كەزىندە ا ق ش پرەزيدەنتى باراك وباما تاياۋ شىعىستاعى وقيعالارعا توقتالدى، دەپ جازادى ult.kz.

ءداستۇرلى اۋىزاشارعا مۇسىلمان ەلدەرىنىڭ وكىلدەرى، امەريكا قوعامىنىڭ الدىڭعى قاتارلى ءدىني باسشىلارى مەن قۇرمەتتى قوناقتار قاتىستى.

اۋىزاشار كەزىندە وباما رامازان ايىنىڭ ءبولىسۋ، قايىرىمدىلىق جانە بەيبىت اي ەكەنىن ايتا كەلە، ءسوزىن ءبىر حاديسپەن جالعاستىردى.

وباما ءسوز سوڭىندا تاياۋ شىعىستا ورىن الىپ وتىرعان وقيعالارعا توقتالدى. سيريا جانە يراكتاعى وقيعالارعا ەرەكشە نازار اۋداردى. «سيريادا اساد اكىمشىلىگى ءوز حالقىن اياۋسىز قىرىپ جاتىر» دەگەن وباما يراكقا ISIS - كە قارسى ەلدى بەرەكەلەستىرەتىن جاڭا ۇكىمەت كەرەكتىگىن اتاپ كورسەتتى.