مالىمەتتەر بويىنشا، ۇشاقتا 313 ادام بولعان. جولاۋشىلاردىڭ ءبارى نيۋاركتان مۋمبايعا بەت العان. ۇشاق جەردەن كوتەرىلىسىمەن ونىڭ ءبىر قوزعالتقىشىنا قۇس كەلىپ سوعىلعان. ۇشقىش وسى وقيعادان سوڭ رەيستى كەيىنگە قالدىرۋدى ءجون كورگەن. از ۋاقىت نيۋارك اسپانىن اينالىپ ءجۇرىپ، امان-ەسەن ۇشاق اۋەجايعا قايتا قونعان.
وقيعا سالدارىنان زارداپ شەككەندەر جوق. قازىرگى ۋاقىتتا ۇشاق تەحنيكالىق تەكسەرۋدەن وتكىزىلىپ جاتىر.