ەرجانىبەك باتىرعا ارنالعان توي بەرليندە جالعاستى
بۇل مەرەيتويدى اتاجۇرتتاعى بارشا قازاقپەن بىرگە شەتەلدەردە، سونىڭ ىشىندە ەۋروپانىڭ فرانتسيا، گەرمانيا، شۆەتسيا، اۆستريا، گولانديا، ۇلىبريتانيا، پولشا سەكىلدى ەلدەرىندە ءومىر ءسۇرىپ جاتقان قازاق اعايىندار اسا قۋانىشپەن ەسكە الىپ، باتىر بابالارىنىڭ ەرلىگىن ەلمەن بىرگە تويلاپ، ۇلىقتاۋدا.
ەرجانىبەك باتىرعا ارنالعان ۇلكەن تويدىڭ جالعاسى بيىلعى جىلدىڭ ماۋسىم ايىنىڭ 6-8 - كۇندەرى بەرليندە وتكەن ەۋروپا قازاقتارىنىڭ كىشى قۇرىلتايى اياسىندا ءوز جالعاسىن تاپتى. «توي دەگەندە قۋ باس دومالايدى» دەپ باياعىدا اتام قازاق ايتقاندايىن، ەۋروپا ەلدەرىندە ءومىر ءسۇرىپ جاتقان 10 مىڭعا جۋىق قازاق اعايىندار (ولاردىڭ كوبى ەرجانىبەك باتىردىڭ تىكەلەي ۇرپاقتارى بولىپ كەلەدى) بۇگىندە ەۋروپا ساياساتىن ءوز قولىنا الىپ وتىرعان بەرلينگە قاراي اعىلدى.
بەرليندىك كاسىپكەر قازاق بەشىرەتحان مالاباقان باسقارعان قازاق قوعامى وسى جولعى ەۋروپا قازاقتارىنىڭ كەزەكتى كىشى قۇرىلتايىن جوعارى دەڭگەيدە ۇيىمداستىرۋ، وتكىزۋ جۇمىسىن ءوز مويىندارىنا الىپتى. ارينە بەرلينگە جاقىن ەۋروپا قالالارىندا تۇراتىن قازاقتاردىڭ كوبى وزدەرىنىڭ جەكە كولىكتەرىمەن كەلىپتى. «قۇرىلتاي، ەر- جانبەك بابا» دەپ جۇرەگى الىپ ۇشقان العاشقى قازاقتىڭ ءبىرى پاريج قالاسىنىڭ تۇرعىنى ءابدۋللا ءوز كولىگىمەن پاريجدەن بەرلينگە 12 ساعات ءجۇرىپ جەتكەنىن ايتتى. قازاق بولعان سوڭ ءبىر- بىرىمىزدەن ءجون سۇراساتىن ادەتپەن جايلاپ سۇراعانىمدا باتىر بابانىڭ ۇرپاقتارىنىڭ ءبىرى بولىپ شىقتى. قۇرىلتاي باعدارلاماسىنا ەنگەن قازاق كۇرەسى، اسىق اتۋ ويىندارى بەرليننىڭ شىعىس بولىگىندەگى ۇلكەن ستاديوندا «ەر جانىبەك» بابىمىزدىڭ اتىندا ءوتتى. جەڭىمپازداردى «ەرجانىبەك» حالىقارالىق قورى اتىنان اقشالاي سىيلىقتارمەن ماراپاتتادىق. قۇرىلتايدى ۇيىمداستىرۋعا بەلسەنە قاتىسقان ەۋروپاداعى قازاق قوعامدارى فەدەراتسياسىنىڭ ءتوراعاسى كايۋم كەسيجي، بەرليندەگى قازاق قوعامىنىڭ ءتوراعاسى، كاسىپكەر بەشيرەتحان مالاباقان جانە گەرمانياداعى قازاقستان ەلشىسى نۇرلان وڭجانوۆ مىرزالار «ەرجانىبەك» اتىنداعى التىن مەدالمەن ماراپاتتالدى.
قۇرىلتاي باعدارلاماسى بويىنشا «ەرجانىبەك» بابىمىزعا ارنالعان دوڭگەلەك ۇستەلگە قازاقستاننان كەلگەن: ق ر ءبىلىم جانە عىلىم مينيسترلىگىنىڭ ادەبيەت جانە ونەر ينستيتۋتىنىڭ ديرەكتورى، فيلولوگيا عىلىمىنىڭ دوكتورى ءۋاليحان قاليجان، الماتىداعى رەسپۋبليكالىق ۇلتتىق كىتاپحانانىڭ ديرەكتورى، جازۋشى الىبەك اسقاروۆ، دۇنيەجۇزى قازاقتارى قاۋىمداستىعى ءتوراعاسىنىڭ 1- ورىنباسارى تالعات ماماشيەۆ، وسى ۇيىمنىڭ ءبولىم مەڭگەرۋشىسى بوتاگوز ۋاتقان، «اسىق اتۋ» فەداراتسياسىنىڭ اتقارۋشى ديرەكتورى جومارت سابىرجانوۆ، «ەرجانىبەك» حالىقارالىق قوعامدىق قورىنىڭ پرەزيدەنتى، مەديتسينا عىلىمىنىڭ دوكتورى ماقسۇت تەمىربايەۆ، ۆيتسە- پرەزيدەنت، كاسىپكەر جەڭىس تۇركيا، ءال- فارابي اتىنداعى قازاق ۇلتتىق ۋنيۆەرسيتەتىنىڭ وقىتۋشىسى، عىلىم دوكتورى جەتپىسباي بەكبولات ۇلى جانە بەرليندەگى گۋمبولدت ۋنيۆەرسيتەتىندە قازاق تىلىنەن ساباق بەرىپ جۇرگەن قارىنداسىمىز گۇلسىم ماساكوۆا، بەرليندەگى گەرمانيا- قازاقستان قوعامىنىڭ اتقارۋشى ديرەكتورى گالينا نۇرتازينا سونداي- اق ەۋروپا قازاقتارى فەدەراتسياسىنىڭ ءتوراعاسى كايۋم كەسيجي، اۆستريا قازاق قوعامىنان وسمان كوسجىگىت، قىزىرحان شولپان، ۇلى بريتانيا قازاق قوعامىنىنان يسمايل كەسيجي، دانيا قازاق قوعامىنان اكبار ايۋبي، نۇرارمان ايۋبي، گوللانديا قازاق قوعامىنان مۇستافا قاراجىگىت، فرانتسيا قازاق قوعامىنان مۇستافا ۇسلۋجان شۆەتسيا قازاق قوعامىنان مۇرات ەرمىش، يبراحيم قوسشى، كەلىن قازاق قوعامىنان ەرول شۇعايىپ ميۋنحەن قازاق قوعامىنان يبراحيم اقدەڭىز، ءاليحان جانالتاي، تەمىرحان التىن، بەرلين قازاق قوعامىنان بەشىرەتحان مالاباقان، ءجۇنىس تورامان باستاعان وكىلدەر توبى قاتىستى.
بۇگىنگى كۇنى ەۋروپا ەلدەرىندە ءومىر ءسۇرىپ جاتقان 10 مىڭعا جۋىق قازاق اعايىن «ەرجانىبەك» بابامىزعا ارنالعان بۇل تويعا دا وسىلاي ءوز ۇلەستەرىن قوستى. اتا بابا رۋحىمەن سۋسىندادى ءارى رۋحتاندى. اسىرەسە جاس سابيلەر مەن بالالار بويىنا وتانشىلدىق سەزىمدى ءسىڭىرۋ تۇرعىسىنان ايتارلىقتاي ءىس شارا بولعانىن ايتۋ ءلازىم. قۇرىلتاي بەرلين تورىندە قازاق دەگەن حالىقتى جاقسى قىرىنان تانىتا الدى. بۇعان قالا تۇرعىندارىنىڭ بىزگە دەگەن جىلى ءىلتيپاتى مەن قۇرمەتىنەن بايقادىق. ەل تاۋەلسىزدىگى ءۇشىن اتقا ءمىنىپ، ەل باستاعان اتاقتى باتىر ەرجانىبەك بابامىزدىڭ 300 جىلدىعىنا وراي ونىڭ ەرلىك، باتىرلىق ىستەرىن ەۋروپاداعى قازاقتارعا تانىستىرۋ، ءناسيحاتتاۋ ءىس- شارالارى قۇرىلتاي باعدارلاماسىنا ساي وسىلايشا تابىستى ءوتتى.
«ەرجانىبەك» حالىقارالىق قوعامدىق قورىنىڭ ۆيتسە- پرەزيدەنتىدوسان بايمولدا پولشا، پوزنان قالاسى.
baq.kz