بۇل تۋرالى سولتۇستىك كورەيانىڭ مەملەكەتتىك اگەنتتىگى حابارلادى. مالىمدەمەدە: «قوس ەل حالقىنا ورتاق وتاننىڭ بىرىگىپ، كوركەيۋى ءۇشىن ەكى جاقتىڭ دا ماقسات- مۇددەلەرى ەسكەرىلۋى ءتيىس» دەلىنگەن.
وسى ورايدا رەسمي پحەنيان ءوزىنىڭ باستى تالاپتارىنىڭ ءبىرى رەتىندە «سىرتتان كەلەتىن كومەكتەن باس تارتۋدى» كورسەتكەن. جانە سولتۇستىك كورەيا ۇكىمەتى ەكى ەل وداعىن قۇرۋ كەزىندە فەدەراتيۆتىك پرينسيپكە نەگىزدەلگەن ءجون دەپ توقتالعان. سونداي- اق ولار 2000- جىلدىڭ 15- ماۋسىم كۇنگى دەكلاراتسياعا سۇيەنۋگە شاقىرعان. ويتكەنى، بۇل قۇجاتتى سول جىلدارى قوس كورەي ەلىنىڭ كوسەمى بولعان كيم چەن ير مەن كيم دە چجۋن قابىلداعان ەكەن.
«حابار» ارناسى