ا ق ش تەرگەۋشىلەرى جاۋاپ الۋ كەزىندە ءتاجاياقوۆ پەن قادىربايەۆقا قىسىم كورسەتىپ كەلگەن
بۇل تۋرالى ءتاجاياقوۆتىڭ اكەسى مالىمدەدى، دەپ حابارلادى ك ت ك ارناسى.
ايتۋىنشا، امەريكالىق تەرگەۋشىلەر جاۋاپ الۋ كەزىندە ءتاجاياقوۆ پەن تاعى ءبىر جەرلەسىمىز دياس قادىربايەۆقا قىسىم كورسەتىپ، زاڭدى ورەسكەل بۇزعان.
«وسى ۋاقىتقا دەيىن ازامات پەن دياستى تەرگەۋ كەزىندە زاڭ بۇزۋشىلىقتار بولعان. ەگەر تەرگەۋ زاڭسىز دەپ تاپسا، سوت ءىستى جابامىز دەپ وتىر. ازاماتتىڭ دا، دياستىڭ دا»، - دەدى ازامات تاجاياقوۆتىڭ اكەسى ءامىر يسماعۇلوۆ.
ازامات تاجاياقوۆقا قاتىستى سوت پروتسەسى وسى دۇيسەنبىدە باستالعان. ال الداعى دۇيسەنبىدە ونىڭ ادۆوكاتتارى ءسوز الادى دەپ كۇتىلۋدە. سوتتا 600 امەريكالىقتىڭ اراسىنان ىرىكتەلىپ الىنعان 12 القا بي تورەلىك ەتەدى.
دياسقا قاتىستى سوت 8- قىركۇيەككە بەلگىلەنگەنىن بۇرىن دا حابارلاعانبىز. وتانداستارىمىزعا بوستون قالاسىنداعى مارافون كەزىندە جارىلىستى ۇيىمداستىرعان اعايىندى سارنايەۆتارعا كومەكتەستى دەگەن ايىپ تاعىلۋدا.
«ك ت ك ارناسى»