حالىقارالىق «قازاقپارات» اگەنتتىگى باس ديرەكتورىنىڭ ورىنباسارى ق ح ر باسشىلىعىمەن كەزدەستى

بەيجىڭ- استانا. قازاقپارات - بۇگىن بەيجىڭدە «جىبەك جولى ەكونوميكالىق بەلدەۋى» جوباسىنا قاتىساتىن بۇقارالىق اقپارات قۇرالدارى فورۋمىنىڭ اياسىندا حالىق جينالىسى ۇيىندە «قازاقپارات» حالىقارالىق اقپارات اگەنتتىگى باس ديرەكتورىنىڭ ورىنباسارى قالامقاس ءابۋوۆانىڭ قىتاي كوممۋنيستىك پارتياسى ورتالىق كوميتەتىنىڭ ساياسي بيۋروسى تۇراقتى كوميتەتىنىڭ مۇشەسى، ق ك پ حاتشىلىعىنىڭ مۇشەسى ليۋ يۋنشانمەن كەزدەسۋى ءوتتى.

  ق. ءابۋوۆا اتاپ وتكەندەي، ب ا ق «جىبەك جولى ەكونوميكالىق بەلدەۋى» جوباسىن جىلجىتۋدا ۇلكەن رول اتقارادى. جۋرناليستەردى تىڭعىلىقتى ەڭبەك كۇتىپ تۇر، ولار الەمنىڭ 11 ەلى ارقىلى وتەتىن جىبەك جولى تاريحى، سونداي- اق ونى دامىتۋ كەلەشەگى جايىندا قىزىقتى فاكتىلەر، جاڭالىقتار مەن سۇحباتتار ۇيىمداستىرۋى ءتيىس.

 فورۋمعا الەمنىڭ 10 نان استام ەلىنەن كەلگەن ب ا ق وكىلدەرىمەن كەزدەسۋ بارىسىندا جوعارى لاۋازىمدى قىتايلىق پارتيا شەنەۋنىگى ىنتىماقتاستىق ءۇشىن ناقتى جوبالار پلاتفورماسىن جانە وسى جوبانى ىلگەرى جىلجىتۋعا جاڭا ءبىرىڭعاي تەتىك قۇرۋ قاجەتتىگىن اتاپ ءوتتى.

ەسكە سالا كەتەيىك، 2013 - جىلعى قىركۇيەكتە ق ح ر ءتوراعاسى شي جينپين قازاقستانعا مەملەكەتتىك ساپارى بارىسىندا نازاربايەۆ ۋنيۆەرسيتەتىندە سويلەگەن سوزىندە جىبەك جولى ەكونوميكالىق بەلدەۋىن قۇرۋ تۋرالى باستاماعا مۇرىندىق بولعان.

بۇل فورۋمدى قىتايدىڭ «حالىق» گازەتىنىڭ رەداكتسياسى ۇيىمداستىردى. «قازاقپارات» اگەنتتىگى وسى باسىلىمنىڭ رەسمي ارىپتەسى بولىپ تابىلادى.

فورۋم اياسىندا ب ا ق باسشىلارى بۇقارالىق اقپارات قۇرالدارىنىڭ بىرلەسكەن دەكلاراتسياسىنا قول قويدى.

 اتالعان جوبا اياسىندا ارىپتەستەر اراسىندا ءبىرقاتار شارالار قاراستىرىلعان - اقپاراتتىق اگەنتتىكتەردىڭ تىلدىك نۇسقالارىن شىعارۋشى رەداكتورلاردىڭ تاعلىمدامادان ءوتۋى، 2015 - جىلى جىبەك جولى ەكونوميكالىق بەلدەۋىنە ارنالعان فورۋم مەن بايقاۋلار وتكىزۋ كوزدەلگەن.

 قازاقپارات «حالىق» گازەتى مەن شينحۋا اگەنتتىگى ءۇشىن ءوڭىر اكىمدەرىمەن، ج و و رەكتورلارىمەن، مينيسترلىكتەر مەن ۆەدومستۆولار باسشىلارىمەن ەكسكليۋزيۆتى سۇحباتتار دايىنداۋدا. كۇن سايىن «حالىق» گازەتى مەن شينحۋا سايتىنا 300 ميلليوننان استام پايدالانۋشى كىرەدى.

انىقتاما: «حالىق» گازەتى - قىتاي، ورىس، اعىلشىن، جاپون، فرانتسۋز، يسپان، اراب، مونعول، تيبەت، ۇيعىر، قازاق، كورەي، نوسۋ جانە چجۋان تىلدەرىندە شىعاتىن قىتايدىڭ كۇندەلىكتى گازەتى، ق ك پ ورتالىق كوميتەتىنىڭ رەسمي باس باسىلىمى.

 «حالىق» گازەتى قىتايداعى بەدەلدى جانە الەمدەگى جەتەكشى گازەتتەردىڭ ءبىرى. مىڭنان استام جۋرناليستەرى الەمنىڭ ءتۇرلى ەلدەرى مەن ايماقتارىنداعى 70 تىلشىلەر بولىمدەرىندە جۇمىس ىستەيدى. گازەت تارالىمى 2 ميلليون 800 مىڭعا جەتەدى، جىل سايىن ءجۇز مىڭنان استام داناعا كوبەيىپ وتىرادى.

«شينحۋا» اقپاراتتىق اگەنتتىگى - قىتاي حالىق رەسپۋبليكاسى (ق ح ر) ۇكىمەتىنىڭ رەسمي اقپاراتتىق اگەنتتىگى جانە ق ح ر ءىرى اقپارات جانە باسپا ءسوز ءماسليحاتىنىڭ ورتالىعى، وزگەشە اتاۋى قىتاي جاڭالىقتار قىزمەتى.