قاراعاندى وبلىسىندا قىتايعا باعىتتالعان «اتاسۋ- الاشاڭكۋ» قۇبىرىنان مۇناي ۇرلاعاندار جازاعا تارتىلدى
«جەكە باستارىنىڭ مۇددەلەرى ماقساتىندا الدىن الا ءسوز بايلاسقان ۇرىلار توبى قاراعاندى وبلىسى اقتوعاي اۋدانىنداعى الماتى- ەكاتەرينبۋرگ تاس جولىنان 274 شاقىرىمدا ورنالاسقان «اتاسۋ- الاشانكوۋ» قۇبىر وتكىزگىشىن زاڭسىز كەسكەن. ءسويتىپ ءۇش ەر ادام 80 توننا مۇناي جىمقىرعان» ، - دەدى وبلىستىق سوتتىڭ باسپا ءسوز ورتالىعىنان.
ۇرىلار «كامازدىڭ» ءجۇرىسىن جەڭىلدەتۋ ءۇشىن جەرگە سيستەرنادان مۇناي اعىزعان. «قازاقستاندىق- قىتايلىق قۇبىرلار» ج ش س- نا جانە قورشاعان ورتاعا كەلتىرىلگەن شىعىن كولەمى 9,5 ميلليون تەڭگەگە باعالاندى.
«اقتوعاي اۋدانىنىڭ №2 اۋداندىق سوتىنىڭ ۇكىمىمەن بۇل ءۇش ازامات ق ر ق ك 175- بابى 4- ب. «ب» تارماعى بويىنشا جانە ق ر ق ك 285- بابى 1- بولىگى بويىنشا ايىپتى دەپ تانىلدى. ولاردىڭ ءبىرى 7 جىلعا باس بوستاندىعىنان ايىرىلىپ، وعان 926000 تەڭگەگە ايىپپۇل سالىندى. ەكى سىبايلاسى مۇلىكتەرىن تاركىلەپ، جالپى رەجىمدەگى كولونيادا جازاسىن وتەۋمەن 5 جانە 6 جىلعا باس بوستاندىقتارىنان ايىرىلدى» ، - دەلىنگەن حابارلامادا.
سوتتالۋشىلار ۇكىمگە شاعىمداندى، الايدا قاراعاندى وبلىستىق قىلمىستىق ىستەر جونىندەگى اپپەلياتسيالىق سوت القاسى ۇكىمدى ءوز كۇشىندە قالدىردى.