كونە تاراز قالاسىنىڭ قازبا جۇمىستارىنا قىتايلىق ارحەولوگتار قوسىلادى

تاراز. قازاقپارات - تارازدا جامبىل وبلىسى اكىمدىگىنىڭ مادەنيەت جانە مۇراعاتتار باسقارماسى مەن قىتايدىڭ «ۇلى جىبەك جولى» ەكونوميكالىق ايماعى ينستيتۋتىنىڭ اراسىندا مەموراندۋمعا قول قويىلدى.

مەموراندۋم اياسىندا قىتايلىق عالىمدار تاراز قالاسىنىڭ ارحەولوگيالىق قازبا جۇمىستارىنا قاتىسپاق نيەتتە، دەپ حابارلادى وبلىس اكىمنىڭ باسپا ءسوز قىزمەتىندە.

ەسكە سالا كەتەيىك، 2013 - جىلى 2,5 مىڭ شارشى مەتر اۋماقتا 3,5 مەتر تەرەڭدىككە دەيىن 4 قازبا جۇرگىزىلگەن. زەرتتەۋ اۋماعى 10 مىڭ شارشى مەتردى قۇرادى. 40 مىڭعا جۋىق، ەسكى سۋ تارتۋ جۇيەسى (قۇبىر) ، 10-11 عاسىرلارداعى قازاقستان اۋماعىنداعى كونە مەدرەسەلەردىڭ ءبىرى، 11-12 عاسىرلارداعى قۇرباندىق شالاتىن ورىن تابىلدى.

 تاياۋ جىلدارى كونە قالا ورنىندا اشىق اسپان استىندا مۇراجاي سالۋ جوسپاردا بار. تاريحي- مادەني تۋريستىك كەشەننىڭ اۋماعىندا 15 نىسان سالىنادى، ولاردىڭ قاتارىندا مەدرەسە، مەشىت پەن شىعىس مونشاسى بولماق.

 تاريحشىلاردىڭ باعالاۋىنشا، جامبىل وبلىسىندا ءبىرقاتار باعالى ارحەولوگيالىق ەسكەرتكىشتەر بار. ولار: ارابتار مەن قىتايلار اراسىنداعى ءىرى شايقاس ورنى اتلاح قالاشىعى، اكلاحۋم، تومەن بارىسحان قالاشىقتارى، اقىرتاس ساراي كەشەنى، قاراساي، تامدىساي جانە جارتاستاعى بەيەلەرى بار بوتا- مويناق شاتقالدارى. جۋالى اۋدانىنىنداعى مايماق شاتقالىنداعى پەتروگليفتەر دە تۋريستەر اراسىندا تانىمال.

جالپى، تاراز قالاسى 2017 - جىلعا قاراي شەتەلدىك تۋريستەر ءۇشىن قىزىقتى ورىنعا اينالادى دەگەن ءۇمىت بار. تارازدىڭ 10-12 عاسىرلارداعى گۇلدەنگەن كەزەڭى، قولونەرشىلەردىڭ، عىلىم مەن مادەنيەتتىڭ، ۇلى جىبەك جولىنىڭ ماڭىزدى ءتۇيىنى رەتىندەگى قالا قايتا قالپىنا كەلتىرىلىپ، «مۇراجاي قالا» بولىپ جاڭا ساپادا قايتا جاندانادى.