امەريكالىق جاستاردىڭ ۇشتەن ەكىسى اسكەرگە جارامسىز

استانا. قازاقپارات -  ا ق ش-تاعى جاس ەر ازاماتتاردىڭ ۇشتەن ەكىسى اسكەرگە جارامسىز. ءتىپتى، ولار ءوز ەرىكتەرىمەن وتان الدىنداعى بورىشىن وتەگىسى كەلسە دە ول مۇمكىن ەمەس،

 دەپ جازادى Wall Street Journal.

باسىلىمنىڭ حابارلاۋىنشا، الداعى ۋاقىتتا ا ق ش الەمنىڭ وزگە ەلدەرىندەگى اسكەرىن تۇگەلىمەن ەلگە قايتارسا دا ونىڭ بولاشاعى كۇماندى.

امەريكالىق جاستاردىڭ اسكەرگە بارا الماۋىنا بىرنەشە سەبەپ بار. ولار: سەمىزدىك، ورتا ءبىلىمنىڭ جوقتىعى، اۋىر قىلمىس ءۇشىن سوتتالۋى جانە ءتۇرلى ءدارى-دارمەكتى قولدانۋى. سونداي-اق، جاستاردىڭ كوپشىلىگىنىڭ دەنە ءبىتىمى تالاپقا ساي ەمەس.

ا ق ش قورعانىس مينيسترلىگىنىڭ حابارلاۋىنشا، 17 مەن 24 جاس ارالىعىنداعى امەريكالىق 34 ميلليون جاس ازاماتتىڭ 71 پايىزى اسكەرگە جارامسىز.

Baq.kz