استانادا كوپ بالالى انالار «التىن القا» جانە «كۇمىس القامەن» ماراپاتتالدى

استانا. قازاقپارات - ءداستۇر بويىنشا قالا كۇنى قارساڭىندا استانا قالاسىنىڭ اۋداندىق اكىمدىكتەرى باتىر انالارعا «التىن القا» مەن «كۇمىس القا» تابىس ەتەدى، - دەپ حابارلايدى استانا اكىمدىگىنىڭ سايتى.

ەسىل اۋدانى اكىمى اپپاراتى 20 - ماۋسىمدا ءۇش كوپ بالالى انانى سالتاناتتى تۇردە قۇتتىقتاپ، «التىن القامەن» ماراپاتتادى.

ءوز كەزەگىندە، سارى ارقا اۋدانىنىڭ اكىمدىگى 4 اناعا «كۇمىس القا» تابىس ەتتى، ماراپاتتاۋ ءراسىمى كەشە ساعات 10:00-دا وتكىزىلدى. ولارعا گۇل شوقتارى مەن ەستەلىك سىيلىقتاردان باسقا، ەلوردا كۇنىنە ورايلاستىرىلعان مەرەكەلىك شارالارعا بيلەتتەر مەن استانا تۋرالى كىتاپتار تارتۋ ەتىلدى.

الماتى اۋدانى اكىمىنىڭ اپپاراتى 5 - شىلدەدە ساعات 11:00- دە باتىر انالاردى قۇتتىقتايدى. بۇل كۇنى قالامىزدىڭ 7 تۇرعىنىن «كۇمىس القامەن»، التاۋىن «التىن القامەن» ماراپاتتاۋ سالتاناتى وتەدى.

 ەسكە سالايىق، «التىن القا» جانە «كۇمىس القا» 1993- جىلى ق ر پرەزيدەنتى نۇرسۇلتان نازاربايەۆپەن بەكىتىلدى. «التىن القا» ناگراداسى جىل سايىن جەتى جانە ودان ارتىق بالانى، ال «كۇمىس القا» التى بالا تاربيەلەپ وسىرگەن انالارعا بەرىلەدى.