دەپۋتاتتار دا ءارتۇرلى

استانا. قازاقپارات - قىركۇيەكتەن باستاپ دامىلسىز جۇمىس ىستەگەن ءماجىلىس دەپۋتاتتارىنىڭ قۇرمەتتى دەمالىسىنا ءبىر ساۋال جولداماي، ۇندەمەگەن كۇيى كەتىپ بارا جاتقاندار دا جەتەرلىك. بۇگىن پارلامەنتتىڭ تومەنگى پالاتاسى ءۇشىنشى سەسسيانىڭ سوڭعى جەكە وتىرىسىن وتكىزدى.

 انشەيىندە 10-11 ماسەلەنى تالقىلاپ، تۇسكى اس بولعاندا عانا توقتايتىن دەپۋتاتتار، بۇگىنگى جيىندى تەز ءبىتىردى. وسى سەسسيا كەزىندە ماجىلىسمەندەر 124 زاڭ جوباسىن قاراپ، بەكىتىپتى.

ولاردىڭ ىشىندە ارتى داۋعا ۇلاسقان "كوشى-قون" تۋرالى زاڭ دا بار. ورالماندارعا تەك 5  جىلدان كەيىن عانا ازاماتتىق بەرۋدى كوزدەيتىن قۇجات قوعامدا قىزۋ تالقىعا تۇسكەن بولاتىن. سودان كەيىن عانا دەپۋتاتتار بۇل زاڭدى قايتا قاراي باستادى.

سونىمەن قاتار، بىرنەشە زاڭنامانى سەنات كەرى قايتارعان ەدى. ۇكىمەتكە شۇيلىگىپ، كوپ كوزگە تۇسەتىن ساۋساقپەن سانارلىق بەلسەندىلەر دە وزگەرمەگەن. الايدا، دەمالىس الدىنداعى ەلەۋلى ەڭبەگى ءۇشىن ماراپاتتالعاندار ىشىندە ولاردىڭ دەنى بولعان جوق. ال، بەلسەندىلىك پەن ۇندەمەستەر تۋرالى دا پىكىر ءارتۇرلى.

ۇلاسبەك سادىبەكوۆ، ق ر پارلامەنتى ءماجىلىسىنىڭ دەپۋتاتى:

جالپى سەسسيا بارىسىندا 3 كە جۋىق دەپۋتاتتىق ساۋال جولدادىق. دەپۋتاتتارمەن بىرلەسە وتىرىپ.

نۇرتاي سابيليانوۆ، ق ر پارلامەنتى ءماجىلىسىنىڭ دەپۋتاتى:

وسى سەسسيا بارىسىندا مەن 7 دەپۋتاتتىق ساۋال جولدادىم. ول ەندى قوعامدا قوردالانىپ قالعان ءىرى ماسەلەلەرگە قاتىستى. جالپى بىرەۋ ارتىق، بىرەۋ كەم جۇمىس ىستەپ جاتىر دەپ ايتا المايمىن. ويتكەنى كەيبىرەۋلەرى جۋرناليستەردىڭ الدىندا سۇحبات بەرمەيتىن بولسا، ەندى ولاردىڭ وزدەرىنە بايلانىستى. سۇحبات بەرمەسە ول جۇمىسقا كەلمەيدى نەمەسە زاڭدى تالقىلاۋعا ات سالىسپايدى دەگەن ءسوز ەمەس.

«KTK» تەلەارناسى