سەنات دەپۋتاتتارى «قازپوشتا» ا ق باسشىسىنا نارازى

استانا. قازاقپارات - سەناتورلار «قازپوشتا» اكتسيونەرلىك قوعامىنىڭ ءتوراعاسىنا نارازىلىق ءبىلدىرىپ وتىر.

بۇعان باستى سەبەپ -  اسحات بەيسەنبايەۆتىڭ پوشتا تۋرالى زاڭعا وزگەرىستەر ەنگىزۋگە قاتىستى وتىرىستارعا مۇلدەم كەلمەۋى.

سەناتورلاردىڭ ايتۋىنشا، قازىر ءبىزدىڭ زاڭناماعا دۇنيەجۇزىلىك پوشتا وداعى اكتىلەرىنە سايكەس «تاعايىندالعان وپەراتور» تەرمينىن ەنگىزۋ قاجەتتىلىگى تۋىنداپ وتىر.

مۇنسىز قازاقستاننىڭ پوشتا قىزمەتى شەتەلدە تانىلمايدى. ال «تاعايىندالعان وپەراتور» بولۋدان ۇمىتكەر ەلىمىزدەگى كومپانيانىڭ باسشىسى ءتيىستى زاڭ جوباسىن ازىرلەۋگە قاتىسۋدى مىندەت سانامايتىن ءتارىزدى.

دەپۋتاتتار بەيسەنبايەۆقا زاڭعا وزگەرتۋلەر ەنگىزۋ ۇردىسىنە بەلسەندى قاتىسۋعا كەڭەس بەردى.

تالعاتبەك ابايدىلدين، ق ر پارلامەنتى سەناتىنىڭ دەپۋتاتى:

- بۇل جەردە ءمينيستردىڭ ورىنباسارى وتىر. ال «قازپوشتا» اكتسيونەرلىك قوعامى باسقارماسىنىڭ ءتوراعاسى وتىرىسقا كەلۋگە جاراماي وتىر ما؟ ول جاڭادان كەلگەن كىسى ەكەنىن بىلەمىز. سوندىقتان دا ول وسى جينالىستارعا قاتىسىپ، زاڭ جوباسىن تالقىلاۋعا ءتيىستى. ۇيرەنۋ كەرەك.

24.kz