اكىمشىلىك قۇقىق بۇزۋشىلىققا جاتپايتىن، ءبىراق تەرىس قىلىقتار سانالاتىن ارەكەتتەر جازالانسىن - ءماجىلىس دەپۋتاتى
«بىرىنشىدەن، كودەكستەردىڭ مۇلدەم جاڭادان جازىلىپ وتىرماعانىن ايتا كەتۋ كەرەك. بۇگىنگى قولدانىستاعى قىلمىستىق كودەكسكە شامامەن 50 رەت وزگەرتۋلەر ەنگىزىلگەن بولاتىن. ياعني، ءارقاشان كودەكستى ۋاقىت تالاپتارىنا سايكەستەندىرۋ جانە ەڭ قۇندى قوعامدىق قارىم-قاتىناستاردى رەتتەۋ، سونىمەن بىرگە ەڭ الدىمەن كونستيتۋتسيادا جازىلعان قۇقىقتىق قۇندىلىقتاردى قورعاۋ ماقساتىندا ارەكەتتەر جاسالىپ كەلدى»، - دەپ اتاپ كورسەتتى ن. ءابدىروۆ ءوز سوزىندە.
دەپۋتاتتىڭ ايتۋىنشا، بارلىق قۇقىقتىق نوۆەللالار جاڭا قىلمىستىق كودەكستە ساقتالدى. «جاڭا كودەكستىڭ قاجەتى قانشالىقتى بولدى دەگەن ساۋالعا جاۋاپ بەرەتىن بولساق، ول وزگەرتۋلەردىڭ بەلگىلى ءبىر ماقساتتار ءۇشىن ەنگىزىلگەنىن ايتۋ كەرەك شىعار»، - دەپ توقتالدى دەپۋتات.
ن. ءابدىروۆ ءوز سوزىندە سونداي-اق، تاۋەلسىزدىگىمىزدى دامىتۋ جىلدارى قازاقستان كوپتەگەن حالىقارالىق كونۆەنتسيالار مەن حالىقارالىق كەلىسىمشارتتارعا قوسىلعانىن ايتتى. «حالىقارالىق تاجىريبەلەردى ەسكەرۋ دە وتە ماڭىزدى ماسەلە. ەگەر، قىلمىستىق كودەكستىڭ جاڭا رەداكسياسى تۋرالى ايتاتىن بولساق، وندا قىلمىس پەن قىلمىستىق ارەكەتتى جەكە-جەكە قاراستىرعان قىلمىستىق قۇقىق بۇزۋشىلىق دەگەن ۇعىم پايدا بولدى»، - دەپ اتاپ كورسەتتى ن. ءابدىروۆ.
دەپۋتاتتىڭ ايتۋىنشا، «قىلمىستىق ارەكەت» دەگەن ۇعىم - بۇرىن قولدانىستا بولماعان مۇلدەم جاڭا ۇعىم.
«قىلمىس» ۇعىمىنىڭ ءتورت سيپاتتى جىكتەلىمىنە قوسا، قىلمىس بولىپ تابىلمايتىن، ءبىراق قوعامعا توندىرگەن قاۋپى مەن كەلتىرىلگەن زيانعا بايلانىستى قىلمىستىق كودەكسپەن رەتتەلەتىن ارەكەت «قىلمىستىق ارەكەت» دەپ اتالىپ وتىر. دەگەنمەن، ول اكىمشىلىك قۇقىق بۇزۋشىلىققا دا جاتپايدى. ول ءۇشىن سايكەس جازا دا قاراستىرىلادى»، - دەدى ن. ءابدىروۆ ءوز سوزىندە.
«الماتى» تەلەارناسى