Associated Press اگەنتتىگى حابارلاعانداي، ءولىم جازاسىنا كەسىلگەندەردىڭ ناقتى سانى بەلگىسىز. سوتتالعانداردىڭ سانى 182-197 اراسىندا دەلىنەدى. زاڭگەرلەردىڭ ايتۋىنشا، شاعىمدانىپ، ۇكىمدى قايتا قاراتۋعا بولادى.
بۇعان دەيىن حابارلانعانداي، «مۇسىلمان-باۋىرلار» توبىنىڭ باسشىسى موحاممەد باديا جانە تاعى 682 قوزعالىس مۇشەسىن ءولىم جازاسىنا كەسۋ ۇكىمى شىققان. بۇل جەردە ناقتىلاي كەتەتىن ءبىر نارسە - بادياعا بۇل ۇكىم سىرتتاي كەسىلگەن. ويتكەنى ول ساقشىلاردان ءالى كۇنگە بوي تاسالاپ ءجۇر.
وتكەن جىلعى جەلتوقساننىڭ اياعىندا - بيلىكتەن يسلاميس پرەزيدەنت مۋحاممەد ءمۋرسيدىڭ شەتتەتىلگەنىنە جارتى جىل تولعاننان كەيىن سوت «مۇسىلمان-باۋىرلاردى» تەرروريستىك توپ دەپ جاريالاعان بولاتىن.