ەلباسى يسپانيا كورولىنا تاعىنا وتىرۋىنا بايلانىستى قۇتتىقتاۋ جولدادى
قازاقستان پرەزيدەنتى ءوز قۇتتىقتاۋىندا فەليپە VI- نىڭ اكەسى حۋان كارلوس I- نىڭ جۇرگىزگەن سىندارلى ساياساتى ارقاسىندا قازاقستان مەن يسپانيا اراسىندا ءوزارا ءتيىمدى ءارى تولىققاندى ىنتىماقتاستىق قالىپتاسقانىن اتاپ وتكەن.
«يسپانيا ءبىزدىڭ ەلىمىز ءۇشىن بۇگىندە ەۋروپاداعى سەنىمدى دوس جانە ستراتەگيالىق سەرىكتەس بولىپ سانالادى. ءسىزدىڭ قولداۋىڭىزبەن قازاقستان مەن يسپانيانىڭ جان- جاقتى ىقپالداستىعى اياسىن تەرەڭدەتۋ ءۇردىسى جالعاسىن تاباتىنىنا ەرەكشە ءۇمىت ارتامىن» ، - دەلىنگەن جەدەلحاتتا.
سونداي- اق مەملەكەت باسشىسى قالىپتاسقان يگى قارىم- قاتىناستار جالعاساتىنىنا سەنىم بىلدىرە وتىرىپ، يسپانيا كورولىن قازاقستانعا مەملەكەتتىك ساپارمەن كەلۋگە شاقىردى.
سوڭىندا نۇرسۇلتان نازاربايەۆ فەليپە VI- گە سارقىلماس قۋات پەن زور تابىس، ال دوستاس يسپانيا حالقىنا باق- بەرەكە تىلەدى.