التى كۇندە سالىنعان عيمارات
ءبىر جىلدا؟ ەكى جىلدا؟ ال قىتايدىڭ چانشا پروۆينتسياسىندا 15 قاباتتىق عيماراتتى 6 كۇندە بىتىرە الادى.
Ark Hotel دەپ اتالاتىن جاڭا عيماراتتى شىعىستاعى شەكارالاس ەلدىڭ 200 ازاماتى التى تاۋلىككە جەتەر-جەتپەس ۋاقىتتا سالىپ ءبىتىرىپ «گيننەستىڭ» رەكوردتار كىتابىنا ەندى.
الدىمەن قۇرىلىس الاڭىنداعى ءاربىر ادامنىڭ تاپسىرمالارى جەتىك تۇردە بەلگىلەنگەن بولاتىن. ءاربىر ادام ءوزىنىڭ نە ىستەيىنىن انىقتاپ العان سوڭ ارادان 13 ساعات ءوتىپ عيمارات مىناداي سيپات الدى.
وسى ۋاقىتقا دەيىن الەمدىك كەرەمەت عيماراتتار ۇزاق مەرزىمدە سالىنعان. مىسالى، حەوپستىڭ پيراميداسىنىڭ قۇرىلىسى جيىرما جىلعا سوزىلسا، كەلندەگى سوبور ءوزىنىڭ سالىنىپ اياقتالۋىن 227 جىلعا دەيىن كۇتكەن ەكەن.
ال بارسەلوناداعى قاسيەتتى وتباسىنىڭ سوبورى 1882 - جىلى قۇرىلىپ باستالىپ قازىرگە دەيىن بىتپەي جاتىر. الماتى مەتروسىندا وسى تىزىمگە كىرگىزسەك بولادى. قىتاي ەندى ءوزىنىڭ باسقالاردان ەرەكشە ەكەنىن قاي سالادا بولسىن دالەلدەپ جاتىر. وعان ءبىزدىڭ بۇگىنگى تاقىرىبىمىز مىسال بولا الادى.
ءبىز ءسوز ەتىپ وتىرعان عيمارات جوعارىدا ايتىپ كەتكەن الەمنىڭ كەرەمەتتەرىنىڭ قاتارىنا كىرمەسە دە، تاريحتا قالارى انىق. بۇل سياقتى 15 قاباتقا جەتەتىن قوناق ءۇيدىڭ قۇرىلىسى ەشقاشان 6 تاۋىلىكتە سالىنىپ بىتپەگەن.
چانشاداعى وتەلگە كوپ ادامدار سىن كوزبەن قارادى. جەر سىلكىنىسى كوپ بولاتىن قىتاي اۋماعىندا بۇل عيمارات كوپكە شىدامايدى دەگەن كوبەيدى. ارحيتەكتورلار ول جاعىندا ويلاستىرعان. Ark Hotel ريحتەر شكالاسى بويىنشا 9 باللدىق جەر سىلكىنىسىنە شىداپ بەرە الادى. Ark Hotel دىڭ قۇرىلىسىنا قاتىسقان قىتايلىق قۇرىلىسشىلار حەوپستىڭ پيراميداسىن ەكى اپتادا، كەلن سوبورىن جارتى جىلدا ال الماتىنىڭ مەتروسىن ءۇش-ءتورت ايدا سالىپ بەرە الاتىن ەدى.
blogtime