جابايى پيازدى جيناعان ايەل مەملەكەتكە ميلليون تەڭگە ايىپپۇل تولەمەك
ەلىمىزدىڭ قىزىل كىتابىنا ەنگىزىلگەن وسىمدىكتى تالعاجاۋ قىلماق بولعان اجەيدى ايماقتاعى گلۋبوكوە اۋداندىق سوتى وسىنداي جازاعا تارتتى.
ايىنا 32 مىڭ تەڭگە زەينەتاقى الاتىن 60 جاستاعى كەيۋانا ەندى 5 جىل بويى وسى بەرەشەكتى وتەمەك، دەپ حابارلايدى 7-ارنا.
سۆەتلانا كولەسنيكوۆا چەرەمشانكا اۋىلىنداعى قۇس فابريكاسىندا ءومىر بويى قۇسشى بولىپ ەڭبەك ەتكەن. كاسىپورىن بانكروتقا ۇشىراعاننان بەرى ورماننان جەمىس- جيدەك تەرۋمەن كۇن كورىپ كەلەدى. ەلدى- مەكەننىڭ تۇرعىنى ەندى وسى ارەكەتى ءۇشىن مەملەكەتكە قوماقتى ايىپپۇل تولەمەك. تابيعات قورعاۋ پوليتسياسى ونى جابايى پياز جيناپ جۇرگەن جەرىنەن ۇستاپ العان.
جالپى چەرەمشانكا اۋىلىندا بيىل وسىنداي فاكت ءۇشىن 3 تۇرعىن جاۋاپقا تارتىلىپتى. ولاردىڭ بارلىعىنا تابيعاتقا اسا ۇلكەن مولشەردە زيان كەلتىرگەنى ءۇشىن ايىپپۇل سالىنعان.