استانادا مەملەكەتتىك رامىزدەر كۇنىنە وراي ءبىرقاتار شارالار وتەدى
دەپ حابارلادى «بايتەرەك» مەديا- ورتالىعى.
بۇگىن استانادا «قازاقستان وقۋشىلارى پاتريوتيزم جايىندا» شىعارمالار جيناعىنىڭ تانىستىرىلىمى وتەدى. بۇل كىتاپتا وقۋشىلار شىعارمالارىنىڭ رەسپۋبليكالىق بايقاۋى اياسىندا دايىندالعان ۇزدىك شىعارمالار جاريالاندى.
بايقاۋدىڭ نەگىزگى تاقىرىپتارى: ماڭگىلىك ەل، قازاقستاننىڭ مەملەكەتتىك سيمۆولدارى، ەلدىڭ تۇڭعىش پرەزيدەنتى نۇرسۇلتان نازاربايەۆتىڭ ءومىرى مەن قىزمەتى، ەگەمەندى ەلدىڭ وتكەنى، بۇگىنگىسى جانە بولاشاعى، وتانعا دەگەن ماحاببات بولدى. وقۋشىلار كوپۇلتتى ەلدىڭ داستۇرلەرى، ولاردىڭ تەڭدىگى، تولەرانتتىلىق پەن مادەنيالۋاندىلىعى جايلى جازدى.
وسى كۇنى «اتامەكەن» قازاقستان كارتاسى» ەتنو- مەموريالدىق كەشەنىندە استان قالاسىنىڭ اكىمدىگى جانىنداعى قازاقستان رەسپۋبليكاسىنىڭ مەملەكەتتىك سيمۆولدارى بويىنشا كوميسسياسىنىڭ وتىرىسى وتەدى.
4 - ماۋسىمدا استانادا «قازاقستان رەسپۋبليكاسىنىڭ مەملەكەتتىك سيمۆولدارى - تاۋەلسىز ەلدىڭ نەگىزى» عىلىمي- پراكتيكالىق كونفەرەنتسياسى وتەدى. كونفەرەنتسيانىڭ باستى ماقساتى - قازاقستاندىق پاتريوتيزمدى قۇرۋ، مەملەكەتتىك سيمۆولداردى جانە قازاقستاندىق پاتريوتتىڭ كەيپىن ناسيحاتتاۋ.
وسى كۇنى ءبىرقاتار قىزىقتى شارالار وتەدى. ونىڭ ىشىندە «پاتريوتيزم تولقىنىندا» جاستاردىڭ پاتريوتتىق اكتسياسى بار. شارا بارىسىندا فلەشموب ۇيىمداستىرىلادى، وعان 500 ادام قاتىسادى.
ەسىل وزەنىنىڭ جاعالاۋىندا وتەتىن شاراعا اتاقتى اقىندار - سەرىكزات دۇيسەنعازى، قالقامان سارين جانە جاس اقىندار قاتىسادى. كونتسەرتتىك باعدارلاماعا تالانتتى جانە اتاقتى انشىلەر، قر مادەني قايراتكەرلەرى انار مۇزدىحانوۆا، كۇرماش ماحانوۆ، نۇربولات جانە انار دۋەتى، بيبىگۇل ەگىزوۆا جانە ت. ب. قاتىسادى.
«پاتريوتيزم تولقىنىندا» اكتسياسى «مەنىڭ قازاقستانىم! مەنىڭ استانام!» مەرەكەلىك اكتسياسىنا ۇلاسادى. ول «داۋلەت» ۇلتتىق تەننيس ورتالىعىندا وتەدى.
استانا تۇرعىندارى مەن قوناقتارىنا قازاقستاندىق ەسترادا جۇلدىزدارى - مارجان اراپبايەۆا، گۇلنۇر ورازىمبەتوۆا، «بايتەرەك» توبى، «اقسەلەۋ» دۋەتى، «ارلان» توبى، «Z» تريوسى، ستۋدەنتتىك كوكتەمگە قاتىسقاندار، الەمدىك ارەنادا كوك بايراعىمىزدى جەلبىرەتكەن سپورتشىلارىمىز ونەرىن كورسەتەدى.