تالعات ماماشەۆ قىتايداعى ۇلتتار باسپاسىنىڭ قازاق رەداكسياسىنىڭ باسشىلارىمەن جۇزدەستى

استانا. قازاقپارات - الماتىدا دۇنيەءجۇزى قازاقتارى قاۋىمداستىعىنىڭ ءتورالقا ءتوراعاسىنىڭ ءبىرىنشى ورىنباسارى تالعات ماماشيەۆ قىتايداعى ۇلتتار باسپاسىنىڭ قازاق رەداكسياسىنىڭ باستىعى باقىتبەك توقتاسىن ۇلى مەن ونىڭ كومەكشىسى باۋىرجان قۇمار ۇلىن قابىلدادى.

وندا قاۋىمداستىقتىڭ «اتا جۇرت» باسپا ورتالىعىمەن ىنتىماقتاستىق ورناتۋ ماسەلەسى تالقىلاندى.

 ت. ماماشايەۆتىڭ ايتۋىنشا، «اتا جۇرت» باسپا ورتالىعىنىڭ نەگىزگى ماقساتى - شەتەلدەگى قازاق قالامگەرلەرىن قازاقستاندىقتارعا جانە شەتەلدەگى دياسپورا وكىلدەرىنە تانىستىرۋ. مۇندا جىل سايىن شەتەل قازاقتارىنىڭ 8-10 كىتابى جارىق كورەدى. ولار قازاقستاننىڭ ءتۇرلى دەڭگەيدەگى كىتاپحانالارىنا جانە شەتەلدەردەگى مادەني ورتالىقتارعا تاراتىلادى. وزەكتىسى، قىتايدا قازاق مادەني ورتالىعى بولماعاندىقتان، ولاردى جەتكىزۋدە تۋىنداپ وتىرعان ماسەلەلەر تۋرالى دا ءسوز بولدى.

كەزدەسۋ سوڭىندا قوناقتارعا قاۋىمداستىقتىڭ باسپا ورتالىعىنان وتكەن جىلى جارىق كورگەن كىتاپتار مەن «تۋعان ءتىل» الماناعى، سونداي- اق «التىن بەسىك» جۋرنالىنىڭ سوڭعى ساندارى تارتۋ ەتىلدى، دەپ حابارلايدى qazaq-alemi.kz.