بيىل ۇ ب ت سوڭعى رەت وتكىزىلىپ جاتىر دەگەن اقپارات راستالعان جوق
10:41, 02 - ماۋسىم 2014
استانا. قازاقپارات - بۇگىن استاناداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ورنالاسقان سىناق پۋنكتتەرىنىڭ بىرىنە كەلگەن ق ر ءبىلىم جانە عىلىم ۆيتسە- ءمينيسترى تاحير بالىقبايەۆ بيىل ۇ ب ت سوڭعى رەت وتكىزىلىپ جاتىر دەگەن اقپاراتتى تەرىسكە شىعاردى.
«بيىل ۇ ب ت سوڭعى رەت وتكىزىلىپ جاتىر دەگەن اقپارات دۇرىس ەمەس. ءبىزدىڭ جوسپارىمىز بويىنشا، كەلەسى جىلى دا سىناق وسى فورماتتا وتپەك. ءبىراق بىزدە مەملەكەتتىك ءبىلىم بەرۋ جۇيەسىن دامىتۋدىڭ 2020 - جىلعا ارنالعان باعدارلاماسىندا 2015 - جىلدان كەيىن مەكتەپ بىتىرگەن وقۋشىلاردىڭ ەمتيحاندارىنا وزگەرىس ەنگىزۋ كوزدەلگەن. ونى قازىر ارنايى كوميسسيا تالقىلاپ جاتىر. سودان كەيىن 2016 - جىلدان سوڭ ەنەتىن بولسا، ايتاتىن بولامىز»، - دەپ اتاپ ءوتتى ول.
ايتا كەتەيىك، بۇگىن، 2 - ماۋسىمدا قازاقستاندا مەكتەپ تۇلەكتەرىن ۇلتتىق ءبىرىڭعاي تەستىلەۋ باستالدى. تاحير بالىقبايەۆ ۇلتتىق سىناق تاپسىرمالارىن رەسمي تۇردە اشتى جانە تۇلەكتەرگە ساتتىلىك تىلەدى.
اۆتور: جاسۇلان جولدىبايەۆ