قازاقستان دۇنيەجۇزىلىك ساۋدا ۇيىمىمەن كەلىسىمگە قول قويۋعا جاقىندادى - ە. ىدىرىسوۆ

 استانا. قازاقپارات - قازاقستان تاراپى دۇنيەجۇزىلىك ساۋدا ۇيىمىمەن كەلىسىمگە قول قويۋعا جاقىندادى. بۇل تۋرالى بۇگىن استانادا ە ا ە و تۋرالى كەلىسىمگە قول قويىلۋىنا بايلانىستى وتكەن بريفينگتە ق ر س ءى م باسشىسى ەرلان ىدىرىسوۆ ءمالىم ەتتى.

 ەۋرازيالىق ەكونوميكالىق وداقتى قۇرۋ تۋرالى كەلىسىمگە قول قويىلعاننان كەيىن قازاقستان مەن بەلارۋس د س ۇ- عا قوسىلۋ بويىنشا جۇمىستاردى جالعاستىراتىنىنا توقتالعان مينيستر:

«اتاپ ايتقاندا، قازاقستان د س ۇ- مەن كەلىسىمگە قول قويۋعا جاقىندادى. ءبىزدىڭ ساۋدا بويىنشا كەلىسسوز جۇرگىزۋشىلەر رەسەي مەن ا ق ش- تىڭ كەلىسسوز جۇرگىزۋشىلەرىمەن جەنيەۆادا كەزدەسەدى. ولار قازاقستاننىڭ د س ۇ- عا كىرۋى بويىنشا تالقىلاۋدى ءتامامدايتىن بولادى» ، - دەدى.

 وسى ورايدا ە. ىدىرىسوۆ بۇل ماسەلە تاياۋ ارادا اياقتالاتىنىنا ءۇمىت ارتتى.

«سونىمەن قاتار ءبىز بەلارۋس ەلىنە وسى ۇدەرىستەن ءساتتى وتۋىنە كومەكتەسۋگە قۋانىشتى بولامىز. سەبەبى، ە ا ە و مۇشەلەرى جاھاندىق ساۋدا ۇيىمىنا قوسىلۋى ءبىزدىڭ مۇددەمىزگە ساي كەلەدى» ، - دەپ ءتۇيدى ۆەدومستۆو باسشىسى.

اۆتور: رۋسلان عابباسوۆ