ەۋرازيالىق ەكونوميكالىق وداق تۋرالى شارتتان ورتاق ازاماتتىق تۋرالى ماسەلەلەر الىنىپ تاستالدى
بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ق ر سىرتى ىستەر ۆيتسە- ءمينيسترى سامات وردابايەۆ ءمالىم ەتتى.
«باستاپقىدا 2000 بەتكە جۋىق كولەمدە ەۋرازيالىق وداق تۋرالى كەلىسىمنىڭ ۇلكەن جوباسى ۇسىنىلدى. وعان ءبىزدىڭ مەملەكەتتەردىڭ ءومىرىنىڭ بارلىق قىرلارىن رەگلامەنتتەيتىن قاعيدالاردى ەنگىزۋ تالپىنىسى بولدى. بارىنەن بۇرىن ساياسي ىنتىماقتاستىق، ورتاق ازاماتتىق، كوشى- قون ساياساتى، ۆيزالىق ماسەلەلەر، شەكارالاردىڭ جالپى كۇزەتى جانە باسقا دا سالالاردى قوسۋ تالپىنىسى جاسالدى» ، - دەپ توقتالدى س. وردابايەۆ.
«قازاقستاننىڭ ءبىر ءىزدى ۇستانىمىنىڭ ارقاسىندا اتالعان قۇجاتتان ورتاق ازاماتتىق، سىرتقى ساياسات، پارلامەنت ارالىق ىنتىماقتاستىق، ۆيزالىق سالا، شەكارالاردىڭ جالپى كۇزەتى جانە تاعى باسقا ماسەلەلەر الىنىپ تاستالدى» ، - دەپ اتاپ ءوتتى ۆيتسە- مينيستر.
ونىڭ سوزىنە قاراعاندا، ەۋرازيالىق ەكونوميكالىق وداق شارتى جوباسىندا ەندى قازاقستاننىڭ بارلىق ۇلتتىق مۇددەلەرى ەسكەرىلدى.
«بۇل ماسەلەلەردىڭ بارلىعى كوپجاقتى قۇجاتتارمەن رەتتەلەدى، قۇقىقتىق ۆاكۋۋم جوق. تەك ەكونوميكالىق ماسەلەلەر بولادى. مەملەكەتىمىزدىڭ مۇددەسى ەسكەرىلىپ، ەكونوميكا ماسەلەلەرىن ۇلتتىقتان جوعارى ورگاندار رەتتەيتىن بولىپ شەشىلدى. ەشقانداي ساياسات جوق» ، - دەپ مالىمدەدى ول.