ۇرىمجىدەگى جارىلىستى ۇيىمداستىرعان كۇدىكتىلەر انىقتالدى

كۇدىكتىلەردىڭ تورتەۋى تەرراكت كەزىندە قازا بولدى، تاعى بىرەۋى پوليتسيانىڭ قۇرىعىنا ءتۇستى.

ولاردىڭ ءبارى دە كوپ ۋاقىت بويى ءدىني ەكسترەميستەردىڭ اسەرىندە بولعان. سولاردىڭ بەرگەن ۆيدەو، اۋديو ماتەريالدارىن كورىپ-تىڭداعان، زاڭسىز ارەكەتتەرمەن اينالىسقان.

2013 - جىلدىڭ سوڭىندا 5 ادامنان تۇراتىن ۇيىمداسقان قىلمىستىق توپ قۇرىپ، قولدان جارىلعىش قۇرالدار جاساپ شىعارۋمەن اينالىسقان.

ءسويتىپ 22 - مامىردا جەرگىلىكتى ۋاقىت بويىنشا تاڭعى 7:50 دە ۇرىمجىدە تەررورلىق اكتى جاسادى. بۇل ۇرىمجىدەگى 2009 - جىلعى تارتىپسىزدىكتەردەن كەيىن ورىن الىپ وتىرعان ءىرى لاڭكەستىك. وندا 197 ادام قازا بولىپ، 1,7 مىڭى جارالانعان بولاتىن.