وزبەكستاندا حالىقارالىق اقىندار ايتىسى ءوتتى
00:14, 22 - مامىر 2014
استانا. قازاقپارات - مامىردىڭ 19- كۇنى وزبەكستاننىڭ ناۆوي قالاسىندا (ايتەكە ءبيدىڭ مازارى جاتقان ايماق) ايتەكە ءبيدىڭ 370 جىلدىعىنا جانە قازاق- وزبەك دوستىعىنا ارنالعان حالىقارالىق ايتىس ءوتتى،
دەپ حابارلايدى Kazaitys.kz پورتالى.
ايتىس وتكەن فارحات سارايىنا قانداستارىمىز لىق تولدى. بۇعان دەيىن ول ايماقتا مۇنداي جوعارى دارەجەلى ايتىس وتپەگەن ەكەن.
ايتىستى قورىتىندىلاعاندا: باس جۇلدەنى - وڭتۇستىك قازاقستان وبلىسىنىڭ ايتىسكەر اقىنى ءبىرجان بايتۋوۆ قانجىعالاسا، ءبىرىنشى ورىندى دا وڭتۇستىك قازاقستاندىقتار كاريما ورالوۆا مەن قاجىمۇقان ابزالوۆ ءبولىستى. ەكىنشى ورىندى - جامبىلدىق اليك بەكمۋسايەۆ پەن قۇلماحان دۇيسەنوۆ (تاشكەنت) يەلەنسە، ءۇشىنشى ورىندى - جانداربەك قايىربەك (تاشكەنت) پەن جامبول كوپبوسىنوۆ قاناعات تۇتتى.