گاز تۋرالى كەلىسسوزدىڭ ءجۇرىپ جاتقانىنا ون جىلدان استى.
رەسەي پرەزيدەنتى ۆلاديمير پۋتين قىتاي پرەزيدەنتى شي جينپيڭمەن كەزدەسكەن سوڭ كەلىسىم- شارت جاساۋ پروتسەسى سوڭعى ساتكە تاياعانىن جانە كەلىسسوزدەر جالعاسا بەرەتىنىن مالىمدەدى.
كەلىسىم- شارت مەرزىمى 30 جىلدى قۇرايدى. گاز تاسىمالداۋ باعاسىنا قاتىستى كەلىسپەۋشىلىكتەرگە بايلانىستى ەكى تاراپتىڭ كەلىسىمگە كەلە الماي جۇرگەنىنە كوپ جىل بولدى.
رەسەيلىك «گازپروم» كومپانياسى وكىلدەرىنىڭ حابارلاۋىنشا، پۋتيننىڭ قىتايدان قايتار مەرزىمىنە-مامىردىڭ 21 ىنە دەيىن كەلىسىم-شارتقا قول قويدىرۋ ماقساتىندا ۇزدىكسىز ەكىجاقتى كەلىسسوزدەر ءجۇرىپ جاتىر.
ساراپشىلاردىڭ بولجاۋىنشا، گاز قۇبىرىن تارتۋ، الدىن-الا تولەم جاساۋ سياقتى ماسەلەلەر دە كەلىسىم جاساسۋ مەرزىمىنىڭ كەيىنگە قالدىرىلۋىنا سەبەپ بولۋى مۇمكىن.
ازاتتىق